ന്യൂദല്‍ഹി : പരിശീലന പറക്കലിനിടെ മിഗ് 29-കെ യുദ്ധവിമാനം അറബിക്കടലില്‍ തകര്‍ന്ന് വീണു. പൈലറ്റുമാരില്‍ ഒരാളെ രക്ഷപ്പെടുത്തി. ഒരാളെ കാണാതായി. ഇയാള്‍ക്ക് വേണ്ടി തെരച്ചില്‍ നടത്തി വരികയാണ്.
വ്യാഴാഴ്ച വൈകീട്ടോടെയാണ് അപകടം നടന്നത്. അറബിക്കടലില്‍ ഐഎന്‍എസ് വിക്രമാദിത്യ വിമാനവാഹിനി കപ്പലില്‍ നിന്ന് പറന്നുയര്‍ന്ന മിഗ് 29 കെ യുദ്ധവിമാനമാണ് അപകടത്തില്‍പ്പെട്ടത്.
സംഭവത്തില്‍ അന്വേഷണത്തിന് ഉത്തരവിട്ടിട്ടുണ്ട്. കാണാതായ പൈലറ്റിനായി തെരച്ചില്‍ നടത്തി വരികയാണെന്ന് നാവിക സേന പ്രസ്താവനയിലൂടെ അറിയിച്ചു. ഈ വര്‍ഷം ഫെബ്രുവരിയില്‍ ഗോവയിലും പരിശീലന പറക്കലിനിടെ മിഗ് യുദ്ധ വിമാനം അപകടത്തില്‍ പെട്ടിരുന്നു.
