മുംബൈ : പ്രമുഖ ബോളീവുഡ് ഹാസ്യതാരം ഭാര്തി സിങ്ങിന്റെ വീട്ടില് നര്ക്കോട്ടിക്സ് റെയ്ഡ്. നടന് സുശാന്ത് സിങ് രാജ്പൂത്തിന്റെ മരണത്തിനെ തുടര്ന്ന നടത്തിയ അന്വേഷണങ്ങളില് ബോളീവുഡ് താരങ്ങളില് പലരും മയക്കുമരുന്ന് ഉപയോഗിക്കുന്നതായി കണ്ടെത്തിയിരുന്നു.
ഭാര്തിയുടെ മുംബൈയിലെ വീട്ടിലാണ് ഇപ്പോള് തെരച്ചില് നടന്നത്. ഭാര്തിയും ഭര്ത്താവ് ഹര്ഷ് ലിംബാച്ചിയായും മയക്കുമരുന്ന് ഉപയോഗിക്കുന്നുണ്ടെന്ന വാര്ത്തകളെ തുടര്ന്നാണ് തെരച്ചില് നടത്തിയത്. അതേസമയം നിരവധി ബോളീവുഡ് താരങ്ങളുടെ വീടുകളിലും, ഓഫീസുകളിലും എന്സിബി തെരച്ചില് നടത്തിയതായും റിപ്പോര്ട്ടുണ്ട്.
നിര്മാതാവ് ഫിറോസ് നദിയദ് വാലയുടെ വീട്ടിലെ റെയ്ഡിനെ തുടര്ന്ന് അദ്ദേഹത്തിന്റെ ഭാര്യ ഷബാന സെയ്ദ് അറസ്റ്റിലായിരുന്നു. നടന് അര്ജുന് രാംപാലിന്റെ ജീവിതപങ്കാളി ഗബ്രിയേലയുടെ അഗിസിലാവോസിനെ എന്സിബി കസ്റ്റഡിയിലെടുത്തതിനെ തുടര്ന്ന് എന്സിബി അദ്ദേഹത്തിന്റെ വീട്ടിലും കഴിഞ്ഞ ദിവസം തെരച്ചില് നടത്തിയിരുന്നു.
