തിരുവനന്തപുരം : ലൈഫ് പദ്ധതിയില്‍ എന്ഫോഴ്സ്മെന്റ് അന്വേഷണതില്‍ അസാധാരണ നടപടിയുമായി സംസ്ഥാന സര്‍ക്കാര്‍. പദ്ധതിയുടെ മുഴുവന്‍ രേഖകളും ആവശ്യപ്പെട്ടതില്‍ എന്‍ഫോഴ്‌സ്‌മെന്റില്‍ നിന്നും വിശദീകരണം തോടാനും സംസ്ഥാന നിയമസഭാ എത്തിക്‌സ്‌ക് കമ്മിറ്റി തീരുമാനം.
ലൈഫ് പദ്ധതിയുമായി ബന്ധപ്പെട്ട മുഴുവന്‍ രേഖകളും ആവശ്യപ്പെട്ട അന്വേഷണ ഏജന്‍സിയുടെ നീക്കം അവകാശ ലംഘനമാണെന്ന പരാതിയിലാണ് ഈ നടപടി. എംഎല്‍എ ജെയിംസ് മാത്യുവാണ് പരാതി നല്‍കിയത്. ലൈഫ് പദ്ധതിയിലെ എന്ഫോഴ്സ്മെന്റ് ഇടപെടല്‍ മൂലം പദ്ധതി സ്തംഭനാവസ്ഥയിലാണെന്നും പരാതിയില്‍ ആരോപിക്കുന്നുണ്ട്.
ദേശീയ ഏജന്‍സിയോട് ഒരു നിയമസഭാ കമ്മിറ്റി വിശദീകരണം തേടുന്നത് അപൂര്‍വ്വങ്ങളില്‍ അപൂര്‍വ്വമായ നടപടിയാണ്. ഒരാഴ്ചയ്‌ക്കുള്ളില്‍ എന്ഫോഴ്സ്മെന്റ് മറുപടി നല്‍കണമെന്നാണ് ആവശ്യം.
ബെംഗളൂരു മയക്കുമരുന്ന് കേസില്‍ ബിനീഷ് കോടിയേരിയുടെ വീട്ടില്‍ എന്ഫോഴ്സ്മെന്റ് മണിക്കൂറുകളോളം തെരച്ചില്‍ നടത്തി മടങ്ങിയിരുന്നു. ഇതിനെതിരെ സിപിഎം അവയ്‌ലബിള്‍ പിബി യോഗം ചേര്‍ന്ന് നടപടി രാഷ്‌ട്രീയ പ്രേരിമാണെന്നും അന്വേഷണം അതിന്റെ വഴിക്ക് നീങ്ങട്ടെ അതില്‍ ഇടപെടില്ലെന്നും അറിയിച്ചിരുന്നു. അതിന് പിന്നാലെയാണ് നിയമസഭാ എത്തിക്‌സ് കമ്മിറ്റി എന്‍ഫോഴ്‌സ്‌മെന്റിനോട് വിശദീകരണം തേടിയിരിക്കുന്നത്.
