ആയഞ്ചേരി: ആയഞ്ചേരി പഞ്ചായത്തിന്റെ പല ഭാഗങ്ങളിലും തെങ്ങുകള്ക്ക് രോഗം പിടിപെടുന്നു. മച്ചിങ്ങയും കരിക്കും പൊഴിഞ്ഞു വീണ് തെങ്ങ് ഉണങ്ങുന്നതാണ് രോഗം. ഇതിനു പ്രതിവിധി കാണാന് കഴിയാതെ ഉഴലുകയാണ് ആയഞ്ചേരിയിലെ കേര കര്ഷകര്. തെങ്ങിനെ ബാധിക്കുന്ന ഒരു പ്രത്യേക തരം രോഗമാണിതെന്നാണ് കൃഷി വകുപ്പ് പറയുന്നത്.
കീടനാശിനി തയ്യാറാക്കി തെങ്ങിന് കുരളിലടിച്ചാല് പോലും തെങ്ങിനെ രക്ഷിച്ചെടുക്കുക പ്രയാസമാണ്. ആയഞ്ചേരിയിലെ കേരകര്ഷകര്ക്ക് ആശ്വാസം നല്കാന് കൃഷി വകുപ്പും പഞ്ചായത്തും നടപടി സ്വീകരിക്കണമെന്ന് കര്ഷക മോര്ച്ച പഞ്ചായത്ത് സമിതി ആവശ്യപ്പെട്ടു. യോഗത്തില് പ്രസിഡന്റ് ഗുരുശ്രീ മോഹനന് അധ്യക്ഷനായി. കോരമ്പത്ത് നാണു, വി. പ്രകാശന്, പി.കെ. കുഞ്ഞിരാമന്, പവിത്രന് മംഗലാട് എന്നിവര് സംസാരിച്ചു.
