കൊയിലാണ്ടി: നീറ്റ് പരീക്ഷയില്‍ കേരളത്തില്‍ ഒന്നാം റാങ്കും ദേശീയതലത്തില്‍ പന്ത്രണ്ടാം റാങ്കും നേടിയ കൊയിലാണ്ടി കൊല്ലം സ്വദേശി എസ്. ആയിഷയ്‌ക്ക് ബിജെപിയുടെ ആദരം. ബിജെപി ദേശീയ ഉപാധ്യക്ഷന്‍ എ.പി. അബ്ദുളള കുട്ടി വീട്ടിലെത്തി ആയിഷയെ അനുമോദിച്ചു.
ഒബിസി മോര്‍ച്ച സംസ്ഥാന പ്രസിഡന്റ് എന്‍.പി. രാധാകൃഷ്ണന്‍, ബിജെപി ജില്ലാ ട്രഷറര്‍ വി.കെ. ജയന്‍, മണ്ഡലം പ്രസിഡന്റ് ജയ്കിഷ്, രജനീഷ്ബാബു, വായനാരി വിനോദ്, അഡ്വ.വി. സത്യന്‍, കെ.വി. സുരേഷ്, അഭിന്‍ അശോക്, ടി.സി. ജിജു എന്നിവരും അദ്ദേഹ ത്തിനൊപ്പമുണ്ടായിരുന്നു.
എ.പി. അബ്ദുല്‍ റസാഖിന്റെയും വി.പി. ഷമീമയുടേയും മകളാണ് ആയിഷ. കൊയിലാണ്ടി ജിവിഎച്ച്എസ് സ്‌കൂളിലാണ് പ്ലസ്ടു പൂര്‍ത്തിയാക്കിയത്. കോഴിക്കോട് റെയിസ് എന്‍ട്രസ് കോച്ചിംഗ് സെന്ററിലായിരുന്നു പരിശീലനം. ആദ്യശ്രമത്തില്‍ പതിനഞ്ചായിരത്തിനു മുകളിലായിരുന്നു റാങ്ക്. മികച്ച റാങ്ക് പ്രതീക്ഷിച്ചിരുന്നതായി ആയിഷ പറഞ്ഞു. ന്യൂദല്‍ഹി എയിംസില്‍ മെഡിക്കല്‍ പഠനം പൂര്‍ത്തിയാക്കാനാണ് താത്പ്പര്യമെന്ന് ബന്ധുക്കള്‍ അറിയിച്ചു. അശ്ഫാഖ് , ആലിയ സഹോദരങ്ങളാണ്.
പ്രതികരിക്കാൻ ഇവിടെ എഴുതുക: