കോഴിക്കോട്: നവീകരണത്തിന്റെ പേരില് അരങ്ങേറുന്ന നാടകം മാവൂര് റോഡിലെ ശ്മശാനപ്രവര്ത്തനം ഇല്ലാതാക്കാനുള്ള ശ്രമത്തിന്റെ ഭാഗമാണെന്ന് എസ്എന്ഡിപി യോഗം കോഴിക്കോട് സിറ്റി യൂണിയന് കണ്വീനര് സതീഷ് കുറ്റിയില് അഭിപ്രായപ്പെട്ടു. ഭൗതികദേഹം എത് രീതിയില് സംസ്കരിക്കണമെന്നത് ഓരോ ഹിന്ദുവിന്റെയും അവകാശമാണ്. അത് ഹനിക്കാനുള്ള ശ്രമത്തെ ശക്തമായി നേരിടുമെന്നും അദ്ദേഹം പറഞ്ഞു.
മാവൂര് റോഡ് ചാളത്തറ ശ്മശാന സംരക്ഷണ പ്രക്ഷോഭത്തിന്റെ ഭാഗമായി ശ്മശാനത്തിന് മുന്നില് ഹിന്ദുഐക്യവേദി നടത്തുന്ന പഞ്ചദിന സത്യഗ്രഹസമരത്തിന്റെ നാലാം ദിവസത്തെ സത്യഗ്രഹം ഉദ്ഘാടനം ചെയ്യുകയായിരുന്നു അദ്ദേഹം. രാജേഷ് നാദാപുരമാണ് സത്യഗ്രഹം നയിച്ചത്. ഹിന്ദുഐക്യവേദി ജില്ലാ വൈസ് പ്രസിഡണ്ട് രാജന് കളക്കുന്ന് അദ്ധ്യക്ഷനായി. സുരേഷ് പൂത്തറ, ശശി കണ്ടംപാലത്ത് എന്നിവര് സംസാരിച്ചു.
അഖില കേരള ധീവര സഭ സംസ്ഥാന സമിതി അംഗം കെ. വിവേകാനന്ദന്, എസ്എന്ഡിപി യോഗം ബേപ്പൂര് യൂണിയന് സെക്രട്ടറി ഷാജു ചമ്മിനി, അഖില ഭാരതീയ പൂര്വ്വ സൈനികസേവാ പരിഷത്ത് ജില്ലാ ജനറല് സെക്രട്ടറി പി.വൈ. അരവിന്ദാക്ഷന്, കേരള ക്ഷേത്ര സംരക്ഷണ സമിതി ജില്ലാ സമ്പര്ക്ക പ്രമുഖ് പി. ബിജു, ബിഡിജെഎസ് ജില്ലാ ജോയിന്റ് സെക്രട്ടറി കെ. ഉണ്ണികൃഷ്ണന്, സൗത്ത് മണ്ഡലം പ്രസിഡണ്ട് സതീഷ് അയനിക്കാട്, പ്രഭാദിനേഷ്, പി.കെ. പ്രേമാനന്ദന്, ബൈജു തിരുവമ്പാടി, ഭാര്ഗവന് കരുവിശ്ശേരി, കെ. പവിത്രന് പാലൊളിപ്പാലം, പി.ആര്. രാജ് മോഹന്, ശശികുമാര് വീര്യമ്പ്രം, കെ. നരേന്ദ്രന്, ഗോപി അമ്പലക്കണ്ടി, കെ. ഉണ്ണികൃഷ്ണന്, സുബീഷ് ഇല്ലത്ത് തുടങ്ങിയര് സംസാരിച്ചു.
യുവമോര്ച്ച സംസ്ഥാന അദ്ധ്യക്ഷന് സി.ആര്. പ്രഫുല്കൃഷ്ണന് സമാപന പ്രഭാഷണം നടത്തി. സമാധാനപരമായ സമരത്തെ കണ്ടില്ലെന്ന് നടിക്കരുതെന്നും പ്രശ്നത്തിന് ഉടന് പരിഹാരം കണ്ടില്ലെങ്കില് നഗരത്തെ സ്തംഭിപ്പിക്കുന്ന സമരത്തിന് യുവമോര്ച്ച നേതൃത്വം നല്കുമെന്നും അദ്ദേഹം കൂട്ടിച്ചേര്ത്തു. അഞ്ചാം ദിവസമായ ഇന്ന് ഹിന്ദുഐക്യവേദി സംസ്ഥാന സെക്രട്ടറി ശശി കമ്മട്ടേരി സത്യഗ്രഹത്തിന് നേതൃത്വം നല്കും.
