കല്പ്പറ്റ: വയനാട് ജില്ലയില് ഇന്നലെ 127 പേര്ക്ക് കൊറോണ സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ.ആര്. രേണുക അറിയിച്ചു. 152 പേര് രോഗമുക്തി നേടി. രോഗം സ്ഥിരീകരിച്ചവരില് 8 പേര് ഇതര സംസ്ഥാനങ്ങളില് നിന്ന് എത്തിയതാണ്. നാല് ആരോഗ്യപ്രവര്ത്തകര് ഉള്പ്പെടെ 119 പേര്ക്ക് സമ്പര്ക്കത്തിലൂടെയാണ് രോഗബാധ.ഇതോടെ ജില്ലയില് കൊറോണ സ്ഥിരീകരിച്ചവരുടെ ആകെ എണ്ണം 4645 ആയി.
3537 പേര് ഇതുവരെ രോഗമുക്തരായി. ചികിത്സയിലിരിക്കെ 24 പേര് മരണപ്പെട്ടു. നിലവില് 1084 പേരാണ് ചികിത്സയിലുള്ളത്. ഇവരില് 255 പേര് വീടുകളിലാണ് ഐസൊലേഷനില് കഴിയുന്നത്. 36 പേര് ഇതര ജില്ലകളില് ചികിത്സയിലാണ്. കണിയാമ്പറ്റ സ്വദേശികള് 16, അമ്പലവയല് സ്വദേശികള് 14, പുല്പ്പള്ളി സ്വദേശികള് 12 പേര്, മാനന്തവാടി, ബത്തേരി, സ്വദേശികളായ 10 പേര് വീതം, നെന്മേനി സ്വദേശികള് 8, തൊണ്ടര്നാട്, നൂല്പ്പുഴ സ്വദേശികളായ 6 പേര് വീതം, കല്പ്പറ്റ, മീനങ്ങാടി, പനമരം, മേപ്പാടി, പൂതാടി, വൈത്തിരി സ്വദേശികളായ 4 പേര് വീതം, വെള്ളമുണ്ട, തവിഞ്ഞാല് സ്വദേശികളായ 3 പേര് വീതം, മുള്ളന്കൊല്ലി സ്വദേശികള് 2, തിരുനെല്ലി, വെങ്ങപ്പള്ളി, പടിഞ്ഞാറത്തറ, എടവക, മുട്ടില് സ്വദേശികളായ ഓരോരുത്തര് എന്നിവരാണ് സമ്പര്ക്കത്തിലൂടെ രോഗബാധിതരായത്.
ഇതര സംസ്ഥാനങ്ങളില് നിന്നെത്തി രോഗബാധിതരായവര് സെപ്തംബര് 17ന് ബംഗാളില് നിന്ന് വന്ന മാനന്തവാടി സ്വദേശി, ഒക്ടോബര് 5ന് ബാംഗ്ലൂരില് നിന്ന് വന്ന മീനങ്ങാടി, മേപ്പാടി സ്വദേശികള്, ഒക്ടോബര് 7ന് ആന്ധ്രപ്രദേശില് നിന്ന് വന്ന മേപ്പാടി സ്വദേശി, ഒക്ടോബര് നാലിന് കര്ണാടകയില് നിന്ന് വന്ന മുള്ളന്കൊല്ലി സ്വദേശി, സെപ്തംബര് 30ന് കര്ണാടകയില് നിന്ന് വന്ന മുള്ളന്കൊല്ലി സ്വദേശി, ഒക്ടോബര് 7 ന് ആന്ധ്രപ്രദേശില് നിന്ന് വന്ന നൂല്പ്പുഴ സ്വദേശി, സെപ്തംബര് 27 ന് ജമ്മു കാശ്മീരില് നിന്ന് വന്ന തവിഞ്ഞാല് സ്വദേശി എന്നിവരാണ് ഇതര സംസ്ഥാനങ്ങളില് നിന്ന് വന്ന് രോഗം ബാധിച്ചവര്.
