പാരീസ്: ഫ്രഞ്ച് ഓപ്പണ്‍ വനിതാ സിംഗിള്‍സ് ഫൈനലില്‍ ഓസ്‌ട്രേലിയന്‍ ഓപ്പണ്‍ ചാമ്പ്യനായ സോഫിയ കെനിന്‍ ഇന്ന് പോളീഷ് കൗമാരതാരം ഇഗ സ്വയ്‌ടെക്കിനെ നേരിടും.
രണ്ട് ഗ്രാന്‍ഡ് സ്ലാം കിരീടം നേടിയ പെട്രാ ക്വിറ്റോവയെ നേരിട്ടുള്ള സെറ്റുകള്‍ക്ക് തോല്‍പ്പിച്ചാണ് സോഫിയ ഫൈനലില്‍ കടന്നത്. സ്‌കോര്‍: 6-4, 7-5.
അര്‍ജന്റീനയുടെ നാദിയ പൊഡോറോസ്‌കയെ തോല്‍പ്പിച്ചാണ് ഇഗ സ്വയ്‌ടെക് കലാശക്കളിക്ക് അര്‍ഹത നേടിയത്. ഇതാദ്യമായാണ് ഇഗ ഫ്രഞ്ച് ഓപ്പണിന്റെ ഫൈനലില്‍ കടക്കുന്നത്. ടൂര്‍ണമെന്റില്‍ ഇതുവരെ കളിച്ച മത്സരങ്ങളില്‍ ഒരു സെറ്റ് പോലും എതിരാളികള്‍ക്ക് വിട്ടുകൊടുക്കാതെയാണ് ഈ പത്തൊമ്പതുകാരി ഫൈനലില്‍ എത്തിയത്. ഫൈനലിലേക്കുള്ള വഴിയില്‍ നാലാം റൗണ്ടില്‍ ഒന്നാം സീഡായ സീമോണ ഹാലേപ്പിനെ അട്ടിമറിച്ചിരുന്നു.
