തിരുവനന്തപുരം : മന്ത്രി ജലീലില്‍ തെറ്റ് ചെയ്തിട്ടില്ലെങ്കില്‍ പിന്നെന്തിനാണ് രഹസ്യമായി നീക്കങ്ങള്‍ നടത്തുന്നത്. ചോദ്യം ചെയ്യലിനായി ഒളിച്ചുപോകുന്നത് എന്തിനാണെന്നും മുസ്ലിം ലീഗ് നേതാവും മുന്‍ എംഎല്‍എയുമായ കെ.പി.എ. മജീദ്.
പാണക്കാട്ടെ ചീട്ട് കൊണ്ടല്ല എകെജി സെന്ററിലെ ചീട്ട് കൊണ്ടാണ് മന്ത്രിയായതെന്ന് ജലീല്‍ നേരത്തെ പറഞ്ഞിരുന്നു. തനിക്കെതിരെ അന്വേഷണം വന്നപ്പോള്‍ മാത്രം പാണക്കാട് തങ്ങള്‍ പറയട്ടെ താന്‍ തെറ്റ് ചെയ്തിട്ടുണ്ടോ എന്ന് പറയുന്നതില്‍ എന്ത് യുക്തിയാണ് ഉള്ളത്.
ജലീല്‍ തെറ്റ് ചെയ്തിട്ടുണ്ടോയെന്ന് ഇടത് മുന്നണിയാണ് പറയേണ്ടത്. ഖുര്‍ ആന്‍ വിതരണത്തിനായി കൊണ്ടുപോയതു കൊണ്ടാണ് തനിക്കെതിരെ ഇപ്പോള്‍ അന്വേഷണം നടത്തുന്നതെന്ന് പറഞ്ഞ് മത പുരോഹിതരെക്കൊണ്ട് വിശദീകരണ കുറിപ്പ് ഇറക്കാന്‍ നിര്‍ബന്ധിക്കുകയാണ് ഇപ്പോള്‍.
എന്നാല്‍ ഡിപ്ലോമാറ്റിക് ബാഗേജ് വഴി ഖുര്‍ ആന്‍ കൊണ്ടുവന്നതില്‍ അല്ല. സ്വര്‍ണക്കടത്തുമായി ബന്ധമുണ്ടോയെന്നും ഇതിന്റെ മറവില്‍ ഹവാല ഇടപാടുകള്‍ നടന്നിട്ടുണ്ടോയെന്നുമാണ് അന്വേഷണ സംഘം പരിശോധിക്കുന്നതെന്ന് കെ.പി.എ മജീദ് കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: