തൃശൂര്: ബാലഗോകുലം ചെറുതുരുത്തി താലൂക്കിന്റെ ഈ വര്ഷത്തെ ശ്രീകൃഷ്ണ ജയന്തി ആഘോഷങ്ങള്ക്ക് തുടക്കമായി. ആറ് ദിവസങ്ങളിലായി വളളത്തോള് സാംസ്കാരിക വേദിയുടെ ഫേസ്ബുക്ക് പേജ് വഴി ഓണ്ലൈന് പ്രഭാഷണ പരമ്പകള് നടക്കും. ആര്എസ്എസ് പ്രാന്തീയ കാര്യവാഹ് ഗോപാലന്കുട്ടി മാസ്റ്ററുടെ ആമുഖ പ്രഭാഷണത്തോടെയാണ് പരിപാടികള്ക്ക് തുടക്കമായത്.
തുടര്ന്ന് ‘സാമൂഹ്യ സമരസതയും ബാലഗോകുലവും’ എന്ന വിഷയത്തില് ആര്എസ്എസ് പ്രാന്തീയ കാര്യകാരി സദസ്യന് സമാജിക സമരസത പ്രമുഖ് പി.കെ.വിശ്വനാഥനും, ‘ഭഗവത്ഗീത സന്ദേശത്തിലെ ധാര്മിക ജീവിതം’ എന്ന വിഷയത്തില് സംസ്കാര് ഭാരതി ദക്ഷിണ ക്ഷേത്ര സംഘടന സെക്രട്ടറി പി.ഉണ്ണികൃഷ്ണനും പ്രഭാഷണം നടത്തി. ‘വ്യക്തി നിര്മ്മാണത്തില് ബാലഗോകുലത്തിന്റെ പങ്ക് ‘എന്ന വിഷയത്തില് ഹിന്ദു ഐക്യവേദി സംസ്ഥാന ജന.സെക്രട്ടറി ആര്.വി.ബാബുവും, ‘ക്ഷേത്രവും ഭക്തിയും’ എന്ന വിഷയത്തില് (ശ്രേഷ്ഠ ഭാരതം പ്രതിഭ) കെ.രാഹുലിന്റെ പ്രഭാഷണവും നടക്കും.
കൃഷ്ണലീലാ കലോത്സവം
പുതുക്കാട്: ശ്രീകൃഷ്ണ ജയന്തി ബാലദിനം ആഘോഷങ്ങളുടെ ഭാഗമായി ചെങ്ങാലൂര് ബാലഗോകുലം കൃഷ്ണലീലാ കലോത്സവം സംഘടിപ്പിക്കുന്നു.ജ്ഞാനപ്പാന പാരായണം, ഭഗവത്ഗീതാ പാരായണം, ചിത്രരചന, കൃഷ്ണ, രാധാ വേഷ പ്രദര്ശനം ഫോട്ടോ കൊണ്ടസ്റ്റ് തുടങ്ങിയവയാണ് മത്സര ഇനങ്ങള് മത്സരത്തില് പങ്കെടുക്കാന് ആഗ്രഹിക്കുന്നവര് 91 70256 37895, 91 90618 58709 എന്ന നമ്പരില് ബന്ധപ്പെടണം.
