പരപ്പനങ്ങാടി: യുവതി ഭര്ത്തൃവീട്ടില് പൊള്ളലേറ്റു മരിച്ച സംഭവത്തില് ഭര്ത്താവും പിതാവും അറസ്റ്റിലായി. വേങ്ങര കച്ചേരിപ്പടി ഉണ്ണിയാലുങ്ങല് സൈതലവിയുടെ മകള് ഷൗക്കീനെയാണ് മാര്ച്ച് 27ന് പരപ്പനങ്ങാടിയിലെ പുത്തന്പീടിക പടിഞ്ഞാറ് ഭാഗത്തെ ഭര്ത്താവിന്റെ വീട്ടില് പൊള്ളലേറ്റ് മരിച്ച നിലയില് കണ്ടെത്തിയത്.
ഈ കേസിലാണ് കിഴക്കിനിയകത്ത് മുഹമ്മദ് റിയാഹ്, ഭര്തൃപിതാവ് മുഹമ്മദ് ബാപ്പു എന്നിവരെ തിരൂര് ഡിവൈഎസ്പിയും സംഘവും അറസ്റ്റ് ചെയ്തത്. ഗാര്ഹിക പീഡനം കാരണമാണ് യുവതി മരിച്ചതെന്നു കാണിച്ച് മാതാപിതാക്കള് നല്കിയ പരാതിയിലാണ് നടപടി.
