മട്ടന്നൂര്‍: കണ്ണൂര്‍ വിമാനത്താവളത്തില്‍ വീണ്ടും സ്വര്‍ണവേട്ട. 45 ലക്ഷം രൂപയുടെ സ്വര്‍ണം പിടികൂടികണ്ണൂര്‍ രാജ്യാന്തര വിമാനത്താവളത്തില്‍ നിന്നും രണ്ട് യാത്രക്കാരില്‍ നിന്നായി 45 ലക്ഷം രൂപയുടെ സ്വര്‍ണം പിടികൂടി. കാസര്‍ഗോഡ് സ്വദേശികളായ രണ്ട് യാത്രക്കാരാണ് സ്വര്‍ണം കടത്താന്‍ ശ്രമിച്ചത്.
ഫ്ലൈ ദുബൈയുടെ FZ 4 5 0 7 വിമാനത്തില്‍ എത്തിയ സത്താര്‍, ഷാര്‍ജയില്‍ നിന്ന് IX 1746 വിമാനത്തില്‍ എത്തിയ ഷമീര്‍ എന്നിവരാണ് പിടിയിലായത്. 888 ഗ്രാം സ്വര്‍ണമാണ് കടത്താന്‍ ശ്രമിച്ചത്. കുട, പേന, ട്രോളിയുടെ പിടി, ജീന്‍സിന്റെ ബട്ടണ്‍ എന്നിവയില്‍ വിദഗ്ധമായി ഒളിപ്പിച്ചാണ് സ്വര്‍ണം കടത്താന്‍ ശ്രമിച്ചത്.
അസിസ്റ്റന്റ് കമ്മീഷണര്‍ ഇ.വികാസ് സൂപ്രണ്ടുമാരായ കെ.സുകുമാരന്‍, മാധവന്‍ സി.വി, ഇന്‍സ്പെക്ടര്‍മാരായ എന്‍.അശോക് കുമാര്‍, യദുകൃഷ്ണ, രാജു കെ.വി, സന്ദീപ് കുമാര്‍, സോണിത് കുമാര്‍ എന്നിവര്‍ അടങ്ങിയ സംഘമാണ് പ്രതികളെ പിടികൂടിയത്. ഈ മാസം ആരംഭിച്ച് 12 ദിവസത്തിനുളളില്‍ മൂന്നാം തവണയാണ് വിമാനത്താവളത്തില്‍ നിന്നും സ്വര്‍ണ്ണം പിടികൂടുന്നത്.
ജന്മഭൂമി ഓണ്‍ലൈന്‍