പേരാമ്പ്ര: പെരുവണ്ണാമൂഴി പോലീസ് സ്റ്റേഷനിലെ രണ്ട് പോലീസുകാര്ക്ക് കോവിഡ് സ്ഥിരീകരിച്ചു. ഇതേതുടര്ന്ന് എസ്ഐ അടക്കം 37 പേരെ ക്വാറന്റൈനിലാക്കി. രോഗം സ്ഥിരീകരിച്ച ഒരാള് ആക്കൂപറമ്പ് സ്വദേശിയും രണ്ടാമത്തെയാള് കക്കയം സ്വദേശിയുമാണ്. രോഗബാധയുടെ ഉറവിടം വ്യക്തമല്ല.
പോലീസ് സ്റ്റേഷന് താല്ക്കാലികമായി അടച്ചു. അണുനശീകരണത്തിന് ശേഷം ഇന്ന് തുറക്കും. തൊട്ടില്പ്പാലം പോലീസ് സ്റ്റേഷന് എസ്ഐ ജിതേഷിനാണ് പകരം ചുമതല. തൊട്ടില്പ്പാലം പോലീസ് സ്റ്റേഷന്, എആര് ക്യാമ്പ് എന്നിവിടങ്ങളിലെ പോലീസുകാരെ ഇവിടേക്ക് നിയോഗിച്ചു. കഴിഞ്ഞ ദിവസം നടത്തിയ ആന്റിജന് ടെസ്റ്റിലാണ് പോലീസുകാര്ക്ക് വൈറസ് ബാധ സ്ഥിരീകരിച്ചത്. തുടര്ദിവസങ്ങളില് കൂടുതല് പോലീസുകാര്ക്ക് സ്രവപരിശോധന നടത്തും. നേരത്തെ ബേപ്പൂര് പോലീസ് സ്റ്റേഷനിലും കോവിഡ് സ്ഥിരീകരിച്ചതിനെ തുടര്ന്ന് സമാനനടപടി സ്വീകരിച്ചിരുന്നു.
