തൃശൂര്: ഇരിങ്ങാലക്കുട ശ്രീ കൂടല്മാണിക്യം ക്ഷേത്ര ഭൂമികളും കെട്ടിടങ്ങളും തിരിച്ചെടുക്കാന് പ്രയത്നിക്കുന്ന സംഗമേശ്വര ഭക്തരെ വര്ഗീയ വാദികളെന്ന് വിളിച്ച കെപിസിസി മുന് ജനറല് സെകട്ടറി എം.പി. ജാക്സണ് മാപ്പ് പറയണമെന്ന് ബിജെപി ആവശ്യപ്പെട്ടു. കെപിഎംഎസ്, എസ്എന്ഡിപി, എന്എസ്എസ് തുടങ്ങി സാമുദായിക സംഘടനകളും ഭക്തജന സംഘടനകളും ഹൈന്ദവ സംഘടനകളും വര്ഷങ്ങളായി സമരം ചെയ്ത് നേടിയെടുത്തതാണ് കച്ചേരി വളപ്പ്.്
ഠാണാ സബ്ജയില് ഭൂമിയും സര്ക്കിള് ഇന്സ്പെക്ടര് ഓഫീസ് കെട്ടിടവും ഒഴിഞ്ഞ് കിട്ടണമെന്ന ആവശ്യം സംഗമേശ്വര ഭക്തര് നിരന്തരമായി ആവശ്യപ്പെട്ടിരുന്നതാണ്. വര്ഷങ്ങളായി സംഗമേശ്വര ഭക്തര് സമരം ചെയ്യുമ്പോള് അധികാരങ്ങളിലിരുന്ന എല്ഡിഎഫും യുഡിഎഫും മാറിമാറി വന്ന ദേവസ്വം ഭരണസമിതികളും ദേവസത്തിന് എതിരെയായിരുന്നു പ്രവര്ത്തിച്ചത്. സംഗമേശ്വര ഭക്തരുടെ വര്ഷങ്ങളായുള്ള ജനകീയപ്രക്ഷോഭവും നിയമ നടപടിയുമാണ് കച്ചേരി വളപ്പ് തിരിച്ചു കിട്ടാനിടയായത്.
അന്നൊന്നും ചെറു വിരലനക്കാത്ത ഇക്കൂട്ടര് ഇപ്പോള് ജയില് ഭൂമി വിട്ടുകിട്ടാന് കാണിക്കുന്ന ആവേശം തെരഞ്ഞെടുപ്പ് ലക്ഷ്യം മുന്നില് കണ്ടാണെന്ന് നിയോജക മണ്ഡലം പ്രസിഡന്റ്് കൃപേഷ് ചെമ്മണ്ട ആവശ്യപ്പെട്ടു. ഇപ്പോള് യുഡിഎഫും ഇടതു ദേവസ്വം ഭരണസമിതിയും കാണിക്കുന്ന ക്ഷേത്ര സ്നേഹം ഭക്തജനങ്ങള് തിരിച്ചറിയുമെന്ന് ബിജെപി ചൂണ്ടിക്കാട്ടി.
