കൊല്ലം: ജില്ലാ പബ്ലിക് ഹെല്‍ത്ത് ലാബില്‍ പുതുതായി സ്ഥാപിച്ച ഹോര്‍മോണ്‍ അനലൈസര്‍ മന്ത്രി ജെ. മേഴ്‌സിക്കുട്ടിയമ്മ ഇന്ന് ഉച്ചകഴിഞ്ഞ് മൂന്നിന് ഉദ്ഘാടനം ചെയ്യും. ഹോര്‍മോണ്‍ സംബന്ധമായ പരിശോധനകള്‍ സര്‍ക്കാര്‍ നിരക്കില്‍ രോഗികള്‍ക്ക് ഇതിലൂടെ ലഭ്യമാകും.
തൈറോയിഡ് പരിശോധനകള്‍, ക്യാന്‍സര്‍ മാര്‍ക്കേഴ്‌സ്(സി എ-125, പിഎസ്എ) തുടങ്ങിയ പരിശോധനകളും ലഭിക്കും. ബിപിഎല്‍, ക്യാന്‍സര്‍, വൃക്ക, എച്ച്‌ഐവി, ടിബി രോഗികള്‍ക്ക് പരിശോധന സൗജന്യമാണ്.
നിലവില്‍ കോവിഡ് ട്രൂനാറ്റ് ടെസ്റ്റ്, പകര്‍ച്ചവ്യാധി സംബന്ധമായ എലിപ്പനി, ഡെങ്കുപ്പനി, ചിക്കന്‍ഗുനിയ, മഞ്ഞപ്പിത്ത രോഗങ്ങള്‍, ബയോകെമസ്ട്രി, മൈക്രോബയോളജി, ഹെമറ്റോളജി തുടങ്ങിയ ടെസ്റ്റുകളും ഇവിടെ നടത്തുന്നുണ്ട്.
ജന്മഭൂമി ഓണ്‍ലൈന്‍