അടിമാലി: മാങ്കുളം അമ്പതാം മൈല് ഭാഗത്ത് നാര്കോട്ടിക് എന്ഫോഴ്സ്മെന്റ് സ്ക്വാഡ് നടത്തിയ റെയ്ഡില് വ്യാജചാരായ നിര്മ്മാണത്തിന് പാകമായ 400 ലിറ്റര് കോട കണ്ടെത്തി.
അമ്പതാം മൈല് രാജപ്പന് സിറ്റിയില് നിന്നും രണ്ടു കിലോമീറ്ററിലധികം ദൂരെ മാറി ചെങ്കുത്തായ മലഞ്ചെരുവിലുള്ള കോട്ടായില് ബിനോയി ജോസഫ് എന്നയാളുടെ റബര് തോട്ടത്തില് മൂന്ന് പ്ലാസ്റ്റിക് ബാരലുകളിലായി സൂക്ഷിച്ചിരുന്ന കോടയാണ് കണ്ടെത്തിയത്. സംഭവ സ്ഥലത്തുണ്ടായിരുന്ന ബിനോയിയും, സഹോദരന് ബിബിനും എക്സൈസ് സംഘം വരുന്നത് കണ്ട് ഓടി രക്ഷപെട്ടു.
ഇരുവര്ക്കുമെതിരെ അബ്കാരി ആക്റ്റ് പ്രകാരം കേസ് രജിസ്റ്റര് ചെയ്ത് പ്രതികളെ ഉടന് പിടികൂടുന്നതിനുള്ള അന്വേഷണമാരംഭിച്ചതായി എക്സൈസ് ഉദ്യോഗസ്ഥര് പറഞ്ഞു. രണ്ടു പേരും ചേര്ന്ന് നാളുകളായി മാങ്കുളം ഭാഗത്ത് ചാരായം വാറ്റി വില്പ്പന നടത്തുന്നതായി എക്സൈസ് സംഘത്തിന് രഹസ്യവിവരം ലഭിച്ചിരുന്നു.
സര്ക്കിള് ഇന്സ്പെക്ടര് എം. കെ. പ്രസാദിന്റെ നേതൃത്വത്തില് നടത്തിയ റെയ്ഡില് പ്രിവന്റീവ് ഓഫീസറായ കെ.എസ്. അസീസ,് സിവില് എക്സൈസ് ഓഫീസര്മാരായ മീരാന് കെ.എസ്, രഞ്ജിത്ത് കവിദാസ്, ശരത് എസ്.പി എന്നിവരും പങ്കെടുത്തു.
