കാസര്കോട്: കാസര്കോട് ജില്ലയില് അനുദിനം കോവിഡ് രോഗികളുടെ എണ്ണത്തില് ഉണ്ടാകുന്ന വര്ദ്ധനവിന്റെ പശ്ചാത്തലത്തില് ആവശ്യമായ ചികിത്സാ സൗകര്യങ്ങള് ഒരുക്കിയിട്ടുണ്ടെന്ന് ജില്ലാ മെഡിക്കല് ഓഫീസര് ഡോ.എ.വി.രാംദാസ് അറിയിച്ചു.
നിലവില് ജില്ലയിലെ കോവിഡ് ചികിത്സാ കേന്ദ്രങ്ങളിലായി 606 പേരെ കിടത്തി ചികിത്സിക്കാനുള്ള സൗകര്യങ്ങളുണ്ട്. രണ്ട് ദിവസത്തിനുള്ളില് ആയിരം കിടക്കകളുള്ള ചികിത്സാ കേന്ദ്രങ്ങള് സജ്ജീകരിക്കാന് ജില്ലാ ഭരണകൂടവും ആരോഗ്യവകുപ്പും പ്രവര്ത്തനങ്ങള് ആരംഭിച്ചു കഴിഞ്ഞു. 10 ദിവസത്തിനകം 4000 പേരെ കിടത്തി ചികിത്സിക്കാനുള്ള സൗകര്യങ്ങള് തയ്യാറാക്കും. നിലവില് ഉക്കിനടുക്ക കോവിഡ് ചികിത്സാകേന്ദ്രത്തില് ഐ.സി.യു സംവിധാനം ഒരുക്കിയിട്ടുണ്ട്. കൂടുതല് ഗുരുതരാവസ്ഥയിലുള്ള രോഗികളുടെ എണ്ണം വര്ധിക്കുന്നതിനനുസരിച്ച് ജില്ല ആശുപത്രിയെ പൂര്ണമായും കോവിഡ് ചികിത്സാകേന്ദ്രമാക്കി മാറ്റും.
പത്ത് 108 ആംബുലന്സുകളാണ് ജില്ലയില് കോവിഡ് പ്രതിരോധപ്രവര്ത്തനത്തിന്റെ ഭാഗമായിട്ടുള്ളത്. രോഗികളുടെ എണ്ണം വര്ധിക്കുന്നതിനനുസരിച്ച് സ്വകാര്യ മേഖലകളിലെ അഞ്ച് ആംബുലന്സുകള് കൂടി പ്രവര്ത്തനങ്ങള്ക്ക് ലഭ്യമാക്കാന് ജില്ലാ കളക്ടര് ഡോ ഡി.സജിത് ബാബു ഇടപെട്ട് നടപടികള് സ്വീകരിച്ചു.
