അറക്കുളം: വനം വകുപ്പിന്റെ മാഞ്ചിയം കടപുഴകി വീണ് വന് കൃഷി നാശം. അറക്കുളം കുളത്തിനാല് കെ.ജെ.ജോസഫിന്റെ ദേഹണ്ഡങ്ങളാണ് നശിച്ചത്. തെങ്ങ്, കമുക്, വാഴ, കായ്ച്ചു കൊണ്ടിരുന്ന ജാതി മരങ്ങള് തുടങ്ങിയവയാണ് നശിച്ചത്. എംവിഐപിയുടെ അറക്കുളത്തുള്ള സ്ഥലം സോഷ്യല് ഫോറസ്ട്രി വര്ഷങ്ങള്ക്ക് മുമ്പ് ഏറ്റെടുത്ത് അവിടെ മാഞ്ചിയം നട്ടുപിടിപ്പിച്ചിരുന്നു.
ആ മരങ്ങളാണ് കടപുഴകി വീണത്. 60- ഉം 76 ഉം ഇഞ്ച് വണ്ണമുള്ള കൂറ്റന് മരങ്ങള് ദേഹണ്ഡങ്ങളുടെ മുകളിലേക്ക് വീണ് വന് നാശമാണ് ഉണ്ടാക്കിയത്. ഒരു മാസം മുമ്പ് ഏതാനും മരങ്ങള് ഒടിഞ്ഞ് വീണ് രണ്ട് വൈദ്യുതി പോസ്റ്റുകള് ഒടിയുകയും വൈദ്യുതി ലൈന് പൊട്ടുകയും ചെയ്തിരുന്നു. ആ മരങ്ങള് ഇതുവരെ വെട്ടിമാറ്റിയിട്ടില്ല.
ഇവിടെ മരങ്ങള് നട്ടു വച്ചതല്ലാതെ ആരും തിരിഞ്ഞ് നോക്കാറുമില്ല. അതു കൊണ്ട് തന്നെ ഇവിടെ കാട് പിടിച്ച് ഇഴജന്തുക്കളുടെ താവളമായി മാറിയിരിക്കുകയാണ്.എത്രയും വേഗം കടപുഴകിയും ഒടിഞ്ഞും വീണ മരങ്ങള് വെട്ടിമാറ്റണമെന്നും നാശനഷ്ടം ഉണ്ടായവര്ക്ക് നഷ്ടപരിഹാരം നല്കണമെന്നും നാട്ടുകാര് ആവശ്യപ്പെട്ടു.
