ഇടുക്കി: ജില്ലയില് കൊറോണ രോഗികളുടെ എണ്ണത്തില് വന് വര്ധന. മരിച്ച രാജാക്കാട് സ്വദേശിക്കടക്കം 55 പേര്ക്കാണ് ഇന്നലെ കൊറോണ സ്ഥിരീകരിച്ചത്. സമ്പര്ക്കത്തിലൂടെ ആകെ രോഗം ബാധിച്ചത് 23 പേര്. ഇതില് കൂടുതല് രാജാക്കാട് മേഖലയില്. 10 പേരുടെ ഉറവിടം വ്യക്തമല്ല. ബാക്കിയുള്ളവര് മറ്റ് രാജ്യങ്ങളില് നിന്നും ഇതര സംസ്ഥാനങ്ങളില് നിന്നും എത്തിയവരാണ്.
ജില്ലയിലാകെ 266 പേര്ക്ക് ആണ് ഇതുവരെ രോഗം സ്ഥിരീകരിച്ചത്. ഇതുവരെ 96 പേര്ക്ക് രോഗമുക്തി ലഭിച്ചു. 169 പേരാണ് നിലവില് ചികിത്സയിലുള്ളത്. ഇടുക്കിയിലെ ആദ്യ കൊറോണ മരണവും ഇന്നലെ റിപ്പോര്ട്ട് ചെയ്തു. ഇതേ ദിവസം മൂന്ന് പേര്ക്ക് മാത്രമാണ് രോഗമുക്തി ലഭിച്ചത്. ജില്ലയില് കൊറോണ രോഗികള് അതിവേഗത്തില് കുതിച്ചുയരുകയാണ്.
സമ്പര്ക്കത്തിലൂടെ രോഗം ബാധിച്ചവര്
അയ്യപ്പന്കോവില് സ്വദേശികളായ 46ഉം, 28ഉം പ്രായമുള്ളവര്, 33, 32, 31, 37 വയസുള്ള ചിന്നക്കനാല് സ്വദേശികള്, കാഞ്ചിയാര് പഞ്ചായത്തിലെ നരിയമ്പാറ സ്വദേശി (49), കാഞ്ചിയാര് കല്ത്തൊട്ടി സ്വദേശി(60), തൊടുപുഴ കോടിക്കുളം സ്വദേശി(34), രാജാക്കാട് സ്വദേശിനിയായ ആരോഗ്യ പ്രവര്ത്തക(54), രാജാക്കാട് സ്വദേശി(34). കഴിഞ്ഞ ദിവസം മരിച്ച രാജാക്കാട് സ്വദേശിയുടെ മകനാണ്.
രാജാക്കാട് സ്വദേശി (61). കഴിഞ്ഞ ദിവസം മരിച്ച രാജാക്കാട് സ്വദേശിയുടെ ഭര്ത്താവാണ്. ഇവര്ക്ക് പ്രാഥമിക പരിശോധനയില് മുമ്പ് സ്ഥിരീകരിച്ചിരുന്നു. കമ്പംമെട്ട് സ്വദേശി(33). കട്ടപ്പനയില് സ്ഥിരീകരിച്ച 108 ആംബുലന്സ് നഴ്സിന്റെ സമ്പര്ക്കത്തിലൂടെയാണ് രോഗം പകര്ന്നത്.
ഉറവിടം വ്യക്തമല്ലാത്ത രോഗബാധിതര്
കാഞ്ചിയാര് തൊപ്പിപ്പാള സ്വദേശി(29), ഓഫീസ് ക്ലര്ക്ക് ആണ്. രാജാക്കാട് സ്വദേശി(44), ജൂലൈ ആറിന് സംസ്കാരച്ചടങ്ങില് പങ്കെടുത്തു. രോഗ ലക്ഷണങ്ങള് പ്രകടിപ്പിച്ചിരുന്നു. ഉപ്പുതറ സ്വദേശി(68). പുളിങ്കട്ട വെറ്റിനറി ആശുപത്രി ജീവനക്കാരനാണ്. രാജകുമാരിയില് ചായക്കട നടത്തുന്ന 41 കാരന്. വണ്ടിപ്പെരിയാര് സ്വദേശിനി(28). രാജകുമാരി സ്വദേശി(27).
ഇതിന് പുറമെ രാജാക്കാട് സ്വദേശികളായ ഒരു കുടുംബത്തിലെ നാല് പേര്ക്ക് ആന്റിജന് പരിശോധനയിലൂടെ കൊറോണ സ്ഥിരീകരിച്ചിട്ടുണ്ട്. ഇതില് ഒരു വൃദ്ധ(82)യും 60 വയസില് താഴെയുള്ള രണ്ടു പേരും ഒരു മുപ്പതുകാരനും ഉള്പ്പെടുന്നു. ഇവരുടെ രോഗ ഉറവിടം വ്യക്തമായിട്ടില്ല.
വിവിധ സംസ്ഥാനങ്ങളില് നിന്ന് വന്നവര്
ബൈസണ്വാലി സ്വദേശികളായ സ്ത്രീയും(34) പുരുഷനും(44). ജൂലൈ ആറിന് തമിഴ്നാട്ടില് നിന്നും കുമളി വഴിയെത്തിയ രാജകുമാരി സ്വദേശികളായ പിതാവും(62) മകനും(19). തമിഴ്നാട്ടില് നിന്നെത്തിയ കാഞ്ചിയാര് സ്വദേശികളായ ഒരു കുടുംബത്തിലെ സ്ത്രീയും(20) പുരുഷ
നും(29). ഇവരുടെ കുടുംബത്തിലെ രണ്ടു പേര്ക്ക് 12ന് കോവിഡ് സ്ഥിരീകരിച്ചിരുന്നു. ജൂലൈ നാലിന് തമിഴ്നാട് ട്രിച്ചിയില് നിന്നും കുമളിയില് എത്തിയ വണ്ടന്മേട് സ്വദേശി(28) യായ ലോറി ഡ്രൈവര്. ജൂണ് 27ന് ബംഗളുരുവില് നിന്നെത്തിയ കോടിക്കുളം സ്വദേശി(29).
ജൂലൈ മൂന്നിന് തമിഴ്നാട് നിന്നെത്തിയ കുമളി സ്വദേശികളായ 56ഉം 45ഉം പ്രായമുള്ള ദമ്പതികള്. ജൂലൈ മൂന്നിന് തമിഴ്നാട്ടില് നിന്ന് ടാക്സിയില് എത്തിയ കുമളി സ്വദേശി 50. ആറിന് തമിഴ്നാട് കാഞ്ചീപുരത്ത് നിന്നെത്തിയ പള്ളിവാസല് സ്വദേശി(28). ഏഴിന് ചെന്നൈയില് നിന്നു കൊച്ചിയിലെത്തിയ പെരുവന്താനം സ്വദേശിനി(29). സൂറത്തില് നിന്നെത്തിയ രാജാക്കാട് സ്വദേശികളായ ഒരു കുടുംബത്തിലെ 30, 28 വയസുള്ള രണ്ട് സ്ത്രീകളും പുരുഷനും(34).
നാലിന് ബംഗളുരുവില് നിന്ന് എത്തിയ രാജകുമാരി സ്വദേശി(26). തേനിയില് നിന്ന് എട്ടിന് രാജകുമാരിയിലെത്തിയ 28 കാരന്. ജൂണ് 26ന് ന്യൂദല്ഹിയില് നിന്ന് എറണാകുളത്തെത്തിയ ബൈസണ്വാലി സ്വദേശി(49). ജൂലൈ മൂന്നിന് കൊല്ക്കത്തയില് നിന്ന് വിമാനത്തില് കൊച്ചിയിലെത്തിയ ബൈസണ്വാലി സ്വദേശി(23).
വിദേശത്ത് നിന്നെത്തിയവര്
ജൂലൈ മൂന്നിന് ദുബായില് നിന്നും കൊച്ചിയിലെത്തിയ കരുണാപുരം സ്വദേശി(25). ജൂണ് 26ന് ഖത്തറില് നിന്നും കൊച്ചിയില് എത്തിയ വണ്ണപ്പുറം സ്വദേശി(32). ജൂലൈ ഒന്നിന് ദുബായില് നിന്നു കൊച്ചിയിലെത്തിയ കരിങ്കുന്നം സ്വദേശി(30). ജൂലൈ മൂന്നിന് ജിദ്ദയില് നിന്നും കോഴിക്കോട് എത്തിയ 45ഉം 46ഉം വയസുള്ള കോടിക്കുളം സ്വദേശികള്.
ജൂലൈ ഒന്നിന് ഷാര്ജയില് നിന്നും കൊച്ചിയിലെത്തിയ കരിമണ്ണൂര് സ്വദേശിനി(30). ജൂലൈ ഒന്നിന് ഷാര്ജയില് നിന്നും കൊച്ചിയിലെത്തിയ ആലക്കോട് സ്വദേശി(15). ജൂണ് 29ന് ദുബായില് നിന്നും കൊച്ചിയിലെത്തിയ രാജകുമാരി സ്വദേശിനി(43). റാസല് ഖൈമയില് നിന്ന്ം കൊച്ചിയിലെത്തിയ ഉടുമ്പന്നൂര് സ്വദേശി(30). ജൂലൈ 2ന് അബുദാബിയില് നിന്നും കൊച്ചിയിലെത്തിയ കരുണാപുരം സ്വദേശിനി(25). ഇതേ ദിവസം ദുബായില് നിന്ന് കൊച്ചിയിലെത്തിയ നെടുങ്കണ്ടം സ്വദേശി(29).
രോഗമുക്തി നേടിയവര്
കുവൈറ്റില് നിന്നെത്തി ജൂണ് 14ന് രോഗം സ്ഥിരീകരിച്ച വണ്ടിപ്പെരിയാര് സ്വദേശി(57), ന്യൂദല്ഹിയില് നിന്നെത്തി ജൂണ് 17ന് രോഗം കണ്ടെത്തിയ വെള്ളത്തൂവല് സ്വദേശി(32), ദുബായില് നിന്നെത്തി ജൂണ് 24ന് സ്ഥിരീകരിച്ച അടിമാലി സ്വദേശി(49) എന്നിവരാണ് രോഗ മുക്തി നേടിയത്.
ജന്മഭൂമി ഓണ്ലൈന്