കോഴിക്കോട്: അമിതാഭ് ബച്ചനെ അവഹേളിച്ച് എഫ്ബി പോസ്റ്റിട്ട ഡിവൈഎഫ്ഐ നേതാവ് പോസ്റ്റ് വിവാദമായതോടെ പിന്വലിച്ചു. അമിതാഭ് ബച്ചന്റെ കോവിഡെങ്ങനെ ഐശ്വര്യറോയ്ക്ക് പിടിപെട്ടു; ഇന്നത്തെ പ്രൈംടൈം ചര്ച്ച ഇതാണ് എന്നായിരുന്നു മുന് കോഴിക്കോട് കോര്പ്പറേഷന് കൗണ്സിലറും ഡിവൈഎഫ്ഐ നേതാവുമായ അഡ്വ. ഒ.എം. ഭരദ്വാജിന്റെ പോസ്റ്റ്.
എന്നാല് സ്ത്രീത്വത്തെയും അമിതാഭ്ബച്ചനെയും അവഹേളിക്കുന്നതാണ് ഇതെന്ന വിമര്ശനവുമായി നിരവധി പേര് രംഗത്തെത്തി. രൂക്ഷ വിമര്ശനം ഉയര്ന്നതോടെ പോസ്റ്റ് പിന്വലിച്ചു. ഇടതുസഹയാത്രികരായ കലാസാംസ്കാരിക പ്രവര്ത്തകരും കടുത്തവിമര്ശനവുമായി ഡിവൈഎഫ്ഐ നേതാവിന്റെ പോസ്റ്റിനെതിരെ രംഗത്തുവന്നു. ഇതോടെയാണ് നേതാവ് പോസ്റ്റ് പിന്വലിക്കാന് നിര്ബന്ധിതനായത്. എന്നാല് താന് മാധ്യമചര്ച്ചകളുടെ നിലവാരത്തെക്കുറിച്ച് സൂചിപ്പിക്കാനാണ് പോസ്റ്റിട്ടതെന്നാണ് അദ്ദേഹത്തിന്റെ വിശദീകരണം.
