ഇടുക്കി: ഇടുക്കിയില്‍ ഇന്നലെ മൃഗാശുപത്രി ജീവനക്കാരി ഉള്‍പ്പെടെ 12 പേര്‍ക്ക് കൊറോണ സ്ഥിരീകരിച്ചതായി ജില്ലാ കളക്ടര്‍ അറിയിച്ചു. ഇവരുടെ ഉറവിടം വ്യക്തമായിട്ടില്ല. രോഗ ലക്ഷണങ്ങള്‍ ഇല്ലായിരുന്നു. മൂന്ന് പേര്‍ക്ക് സമ്പര്‍ക്കത്തിലൂടെയും രോഗം. അതേസമയം നാല് പേര്‍ക്ക് ഫലം നെഗറ്റീവായി.
രോഗം സ്ഥിരീകരിച്ചതില്‍ രണ്ട് പേര്‍ വിദേശത്ത് നിന്ന് 6 പേര്‍ ഇതര സംസ്ഥാനത്ത് നിന്നെത്തിയവരും. ഇന്നലെ വരെ ആകെ 186 പേര്‍ക്കാണ് കൊറോണ സ്ഥിരീകരിച്ചത്. ഇതില്‍ നിലവില്‍ 97 പേരാണ് ചികിത്സയിലുള്ളത്. അഞ്ചുപേര്‍ ഇതര ജില്ലകളിലാണ്. 89 പേര്‍ക്ക് രോഗം ഇതുവരെ ഭേദമായി.
രോഗം സ്ഥിരീകരിച്ചവര്‍
1. ജൂലൈ 5ന് ദുബായില്‍ നിന്ന് കൊച്ചിയിലെത്തിയ ഇരട്ടയാര്‍ സ്വദേശിയായ 34കാരന്‍. കൊച്ചിയില്‍ നിന്നും ടാക്‌സിയില്‍ വീട്ടിലെത്തി നിരീക്ഷണത്തില്‍ ആയിരുന്നു.
2. ജൂണ്‍ 25ന് ഷാര്‍ജയില്‍ നിന്ന് കൊച്ചിയിലെത്തിയ വാഴത്തോപ്പ് സ്വദേശിയായ 44കാരന്‍. കൊച്ചിയില്‍ നിന്ന് ടാക്‌സിയില്‍ എത്തി കൊറോണ സെന്ററില്‍ നിരീക്ഷണത്തില്‍ ആയിരുന്നു.
3. ജൂണ്‍ 29ന് രാജസ്ഥാനില്‍ നിന്ന് ട്രെയിന്‍മാര്‍ഗം എറണാകുളത്തെത്തിയ കാമാക്ഷി സ്വദേശിനിയായ 43കാരി. രാജസ്ഥാനിലെ ശിക്കാറില്‍ നിന്ന് നിസാമുദീന്‍ വരെ ടാക്‌സിയിലും അവിടെ നിന്ന് മംഗളാ ലക്ഷദീ
പ് എക്‌സ് പ്രസിനും എറണാകുളത്തെത്തി. അവിടെ നിന്ന് ടാക്‌സിയില്‍ കാമാക്ഷിയിലെത്തി വീട്ടില്‍ നിരീക്ഷണത്തില്‍ ആയിരുന്നു
4. ജൂണ്‍ 30ന് ബാംഗ്ലൂരില്‍ നിന്ന് വിമാനത്തില്‍ കൊച്ചിയില്‍ എത്തിയ മൂന്നാര്‍ സ്വദേശിനിയായ 23കാരി. കൊച്ചിയില്‍ നിന്ന് ടാക്‌സിയില്‍ വീട്ടിലെത്തി നിരീക്ഷണത്തില്‍ ആയിരുന്നു.
5. ജൂണ്‍ 28ന് ന്യൂദല്‍ഹിയില്‍ നിന്ന് ട്രെയിന് എറണാകുളത്ത് എത്തിയ പടമുഖം സ്വദേശിയായ 43കാരന്‍. ന്യൂദല്‍ഹിയില്‍ നിന്നും മംഗള എക്‌സ്പ്രസിന് എറണാകുളത്ത് എത്തി അവിടെ നിന്ന് കെഎസ്ആര്‍ടിസി ബസില്‍ തൊടുപുഴയിലെത്തി. അവിടെ നിന്ന് ടാക്‌സിയില്‍ തടിയമ്പാട് എത്തി കൊറോണ സെന്ററില്‍ നിരീക്ഷണത്തില്‍ ആയിരുന്നു.
6. ജൂണ്‍ 27ന് ബാംഗ്ലൂരില്‍ നിന്ന് വന്ന മുട്ടം സ്വദേശിനിയായ 55കാരി. ബാംഗ്ലൂരില്‍ നിന്ന് മൂവാറ്റുപുഴ സ്വദേശികളായ 4 സുഹൃത്തുക്കളോടൊപ്പം കാറില്‍ മുട്ടത്ത് എത്തി. ബാംഗ്ലൂരില്‍ നിന്ന് വന്ന മകന്‍, മകന്റെ ഭാര്യ അവരുടെ മക്കള്‍ എന്നിവരോടൊപ്പം വീട്ടില്‍ നിരീക്ഷണത്തില്‍ ആയിരുന്നു.
7. ജൂണ്‍ 26ന് തമിഴ്‌നാട്ടില്‍ നിന്നുമെത്തിയ പുറപ്പുഴ സ്വദേശിയായ 28കാരന്‍. തമിഴ്‌നാട് കൃഷ്ണഗിരിയില്‍ നിന്ന് സുഹൃത്തിനോടൊപ്പം സ്വന്തം കാറില്‍ പുറപ്പുഴയിലെ വീട്ടിലെത്തി നിരീക്ഷണത്തില്‍ ആയിരുന്നു.
8. ജൂണ്‍ 29ന് മുംബൈയില്‍ നിന്ന് ട്രെയിന് മാര്‍ഗം എറണാകുളത്ത് എത്തിയ ശാന്തന്‍
പാറ സ്വദേശിനിയായ 39കാരി. മുംബൈയില്‍ നിന്ന് നേത്രാവതി എക്‌സ്പ്രസിന് എറണാകുളത്ത് എത്തി. അവിടെ നിന്ന് ടാക്‌സിയില്‍ വീട്ടിലെത്തി നിരീക്ഷണത്തില്‍ ആയിരുന്നു.
9&10. പാമ്പാടുംപാറ സ്വദേശികളായ 48കാരന്‍, അഞ്ച് വയസ്സുകാരി. ജൂലൈ ആറിന് തമിഴ്‌നാട് നിന്ന് വന്ന രോഗികളുമായി സമ്പര്‍ക്കം. ജൂലൈ എട്ടിന് സ്രവം പരിശോധനക്കെടുത്തു. വീട്ടില്‍ നിരീക്ഷണത്തില്‍ ആയിരുന്നു.
11. കോടിക്കുളം സ്വദേശിയായ 45കാരന്‍. ജൂലൈ രണ്ടിന് രോഗം സ്ഥിരീകരിച്ച രോഗിയുമായി സമ്പര്‍ക്കം. ഇരട്ടയാറിലുള്ള വീട്ടില്‍ നിരീക്ഷണത്തില്‍ ആയിരുന്നു.
12. കഞ്ഞിക്കുഴി സ്വദേശിനിയായ 41കാരി. തോപ്രാംകുടി മൃഗാശുപത്രി ജീവനക്കാരിയാണ്. ജൂലൈ എട്ടിനാണ് സ്രവ പരിശോധനയ്‌ക്ക് വിധേയായത്. ഉറവിടം വ്യക്തമല്ല.
രോഗമുക്തി നേടിയവര്‍
1. മെയ് 31ന് തമിഴ്‌നാട് നിന്നെത്തി ജൂണ്‍ 10ന് സ്ഥിരീകരിച്ച കുമളി സ്വദേശികളായ അമ്മയും രണ്ട് പെണ്‍മക്കളും (35, 12, 10 വയസ് വീതം)
2. ജൂണ്‍ 29ന് ഒമാനില്‍ നിന്നെത്തി 2ന് സ്ഥിരീകരിച്ച ഏലപ്പാറ സ്വദേശിയായ 30 കാരന്‍.
ജില്ലയിലാകെ രോഗം സ്ഥിരീകരിച്ച് 95 പേരാണ് ചികിത്സയിലുള്ളത്. ഇതില്‍ ഇന്നലെ രോഗം സ്ഥിരീകരിച്ച രണ്ട് പാലക്കാട് സ്വദേശികളും ഉള്‍പ്പെടും. ഒരു കോട്ടയം കാരനും ചികിത്സയിലുണ്ട്.
ആശുപത്രികളില്‍ 94 പേരും വീടുകളിലും സ്ഥാപനങ്ങളിലുമായ 5539 പേരും നിരീക്ഷണത്തിലുണ്ട്. ഇന്നലെ വരെ ആകെ 12847 പേരുടെ സ്രവ സാമ്പിള്‍ പരിശോധനക്കയച്ചു. ഇനി 537 പേരുടെ ഫലം കൂടി ലഭിക്കാനുണ്ട്. അതേ സമയം 325 പേരുടെ ഫലം ഇന്നലെ വന്നു. ഇന്നലെ 400 പേരുടെ സാമ്പിളാണ് ശേഖരിച്ചത്. ജനങ്ങള്‍ ജാഗ്രത കൈവെടിയരുതെന്നും പുറത്തിറങ്ങുമ്പോള്‍ മുന്‍കരുതലുകള്‍ കര്‍ശനമായി സ്വീകരിക്കണമെന്നും ആരോഗ്യ പ്രവര്‍ത്തകര്‍ ഓര്‍മ്മിപ്പിക്കുന്നു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: