തിരുവനന്തപുരം: കോവിഡ് പ്രതിരോധത്തിന് ലോകത്തിന് മാതൃക കേരളം എന്നായിരുന്നു സര്‍ക്കാറും സിപിഎം നേതാക്കളുംഇതുവരെ പറഞ്ഞു പ്രചരിപ്പിച്ചത്. കാര്യങ്ങള്‍ കൈവിട്ടതോടെ കേരള മാതൃക പുറത്തു പറയാന്‍ പറ്റാതായി. ഇന്ത്യയില്‍ പോലും കോവിഡ് പ്രതിരോധത്തിന്റെ കാര്യത്തില്‍ 17 സംസ്ഥാനങ്ങള്‍ കേരളത്തേക്കാന്‍ മുന്നിലാണെന്ന സത്യം മറച്ചു വെയക്കാനും കഴിയാതെയായി.
ഇപ്പോള്‍ കേരളത്തിന് മാതൃക കോവിഡിലും ക്യൂബയും വിയറ്റ്നാമും ആണെന്നാണ് മുഖ്യമന്ത്രി പിണറായി വിജയന്‍ പറയുന്നത്. . ഈ രണ്ട് കമ്മ്യുണിസ്റ്റ് രാജ്യങ്ങളും രോഗത്തെ മാതൃകാപരമായി പ്രതിരോധിക്കുന്നു എന്നാണ് മുഖ്യമന്ത്രിയുടെ അവകാശവാദം.
ഒരു തരത്തിലുള്ള അടിസ്ഥാനവുമില്ലാതെയാണ് ക്യൂബയും വിയറ്റ്നാമും മാതൃകകളായി ഉയര്‍ത്തുന്നത്. ലോകാരോഗ്യ സംഘടന പുറത്തിറക്കിയ രോഗം പിടിപെട്ട 215 രാജ്യങ്ങളുടെ പട്ടികയില്‍ ക്യൂബ 108-ാം സ്ഥാനത്താണ്. ക്യൂബയക്ക് മുന്നിലും പിന്നിലും 107 രാജ്യങ്ങള്‍ ഉണ്ട്. ഇന്ത്യയില്‍ കോവിഡ് രോഗത്തിന്റെ കാര്യത്തില്‍ കേരളത്തിന് മുന്നിലും പിന്നിലും 17 സംസ്ഥാനങ്ങള്‍ വീതം ഉള്ളപ്പോഴും കേരളം ഒന്നാമന്‍ എന്നു പറയുന്നതുപോലെ മാത്രമേയുള്ളു ക്യൂബയുടെ മാതൃക. 2403 പേര്‍ക്ക് രോഗം ബാധിച്ച ക്യൂബയില്‍ 86 പേരാണ് മരിച്ചത്. ക്യുബയുടെ മൂന്നിരട്ടി (6,534) രോഗികള്‍ ഉണ്ടായിരുന്നിട്ടും മരണം മൂന്നിലൊന്നു (27) മാത്രമുള്ള കേരളം എന്തിനാണ് ക്യൂബയെ മാതൃക ആക്കേണ്ടത് എന്ന സംശയം ബാക്കി. രോഗികളുടെ കാര്യത്തില്‍ 159 -ാം സ്ഥാനത്തുള്ള വിയറ്റ്‌നാംം തമ്മില്‍ ഭേദമാണ്. 369 രോഗികള്‍ മാത്രമാണിവിടെ ഉള്ളത്. 100ല്‍ താഴെ രോഗികളുള്ള 19 രാജ്യങ്ങള്‍ പട്ടികയില്‍ ഉണ്ട് എന്നറിയുമ്പോഴാണ് കേരളം മാതൃയാക്കുന്ന രാജ്യങ്ങളുടെ മഹിമയുടെ പൂച്ച് തെളിയുന്നത്. രോഗം പിടിപെട്ട 131 രാജ്യങ്ങളിലെ ആകെ രോഗികള്‍ കേരള സംസ്ഥാനത്തെ രോഗികളെക്കാള്‍ കുറവുമാണ്.
മുഖ്യമന്ത്രി കസേരയിലിരുന്ന ഇല്ലാത്ത കാര്യങ്ങള്‍ തള്ളിവിടുന്ന മുഖ്യമന്ത്രി കണക്കൊന്നും പരിശോധിക്കാതെയാണ് കാര്യങ്ങള്‍ പറയുന്നതെന്ന് ഒരിക്കല്‍ കൂടി ക്യൂബയും വിയറ്റ്നാമും മാതൃക തെളിയിച്ചു.
