ആലപ്പുഴ: ചെന്നിത്തലയിൽ യുവാവിനെയും യുവതിയെയും വാടക വീട്ടിനുളളില് മരിച്ച നിലയില്. പത്തനംതിട്ട കുരമ്പാല സ്വദേശിയായ ജിതിന് (30), മാവേലിക്കര വെട്ടിയാര് സ്വദേശിനി ദേവിക (20) എന്നിവരെ മരിച്ച നിലയില് കണ്ടത്. ജിതിനെ തൂങ്ങി മരിച്ച നിലയിലാണ് കണ്ടെത്തിയത്. കട്ടിലില് കിടക്കുന്ന നിലയിലായിരുന്നു ദേവികയുടെ മൃതദേഹം.
ഇന്ന് രാവിലെ പെയിന്റിങ് കരാറുകാരൻ ജിതിന് ജോലിക്ക് എത്താതിരുന്നതിനെ തുടര്ന്ന് തിരക്കി വീട്ടില് എത്തിയപ്പോള് ആണ് മരിച്ച നിലയില് കണ്ടത്. സംഭവം കൊലപാതകമാണെന്നാണ് സൂചന. ഇവര് വിവാഹിതരല്ലെന്നാണ് പോലീസ് പറയുന്നത്. മൂന്നുമാസം മുമ്പാണ് ഇവര് ചെന്നിത്തലയില് എത്തിയത്. സംഭവത്തെക്കുറിച്ച് പോലീസ് അന്വേഷണം ആരംഭിച്ചു.
രണ്ട് വര്ഷം മുന്പ് ജിതിനോടൊപ്പം ദേവിക ഇറങ്ങി പോയതിനു കുറത്തികാട് പോലീസ് ജിതിനെതിരെ പോക്സോ കേസ് എടുത്തിട്ടുണ്ട്. പിന്നീട് ദേവിക ദാസ് ബാലിക സദനത്തില് താമസിക്കുകയായിരുന്നു. പ്രായപൂര്ത്തി ആയതിനു ശേഷം വീണ്ടും ദേവിക ജിതിനോടൊപ്പം പോകുകയും മാര്ച്ച് 18ന് ചെന്നിത്തലയില് സ്വകാര്യ വ്യക്തിയുടെ വീട്ടില് വാടകക്ക് താമസിച്ചു വരികയായിരുന്നു.
