പഴയങ്ങാടി: പിലാത്തറ പഴയങ്ങാടി കെഎസ്ടിപി റോഡിൽ കാർ നിയന്ത്രണം വിട്ട് സമീപത്തെ കടയിലേക്ക് ഇടിച്ചുകയറി കടയുടമ മരിച്ചു. പാണപ്പുഴ പഴയ പോസ്റ്റാഫിസിന് സമീപത്തെ സി എം മുഹമ്മദ് ശരീഫ്(62) ആണ് മരിച്ചത്.
ഇന്നലെ ഉച്ചയോട് തന്റെ കടയിൽ ജോലി ചെയ്യവേ പഴയങ്ങാടി ഭാഗത്ത് നിന്ന് വന്ന കാർ നിയന്ത്രണം വിട്ട് കടയിലേക്ക് ഇടിച്ച് കയറുകയായിരുന്നു.ഗുരുതരമായി പരിക്കു പറ്റിയ ഷെരീഫിനെ പരിയാരം കണ്ണൂർ ഗവ: മെഡിക്കൽ കോളേജിലും പിന്നീട് കണ്ണൂരിലെ സ്വകാര്യ ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല. കടയിലുണ്ടായിരുന്ന മറ്റ് ആളുകൾ അത്ഭുതകരമായി രക്ഷപ്പെടുകയായിരുന്നു.
കാറിന്റ അമിത വേഗതയും ചാറ്റൽ മഴയുമാണ് അപകടത്തിന് കാരണമായത് എന്ന് പറയപ്പെടുന്നു. ഭാര്യ:അഞ്ചില്ലത്ത് സുലൈഖ. മക്കൾ: സാജിത, സാബിറ, സഫാന, ഹസ്സൻ. മരുമക്കൾ: ഷബീർ(പിലാത്തറ), നൂറുദ്ധീൻ(കുഞ്ഞിമംഗലം).
ജന്മഭൂമി ഓണ്ലൈന്