മലപ്പുറം: രാമപുരം അയോദ്ധ്യ ശ്രീലക്ഷ്മണ സ്വാമി ക്ഷേത്രത്തില് മോഷണം. ജൂണ് 30ന് പുലര്ച്ചെ ഒരുമണിയോടെയാണ് സംഭവം. ചുറ്റമ്പലത്തിന്റെ ഓടിളക്കിയാണ് മോഷ്ടാക്കള് അകത്തുകടന്നത്.
ശ്രീകോവിലിന് മുന്നിലുള്ള ഭണ്ഡാരം തകര്ക്കാന് ശ്രമിച്ചെങ്കിലും നടന്നില്ല. പിന്നീട് പുറത്ത് ക്ഷേത്രം ശാന്തി താമസിക്കുന്ന മുറിയില് കയറി അദ്ദേഹത്തിന്റെ മൂവായിരം രൂപയും മൊബൈല് ഫോണും മോഷ്ടിച്ചു. ക്ഷേത്രം ഭാരവാഹികളുടെ പരാതിയെ തുടര്ന്ന് കൊളത്തൂര് പോലീസ് സ്ഥലത്തെത്തി തെളിവുകള് ശേഖരിച്ചു.
ഇന്നലെ തന്നെ പനങ്ങാങ്ങരയിലെ ഒരു വീട്ടിലും മോഷണം നടന്നിട്ടുണ്ട്, ഇവിടെ നിന്ന് 20000 രൂപ നഷ്ടപ്പെട്ടു. പ്രദേശത്ത് കുറച്ചുനാളായി മോഷ്ടാക്കളുടെ ശല്യം രൂക്ഷമാണെന്ന് നാട്ടുകാര് പറയുന്നു.
