കരുനാഗപ്പള്ളി: സേവാഭാരതിയുടെയും വവ്വാക്കാവ് വഞ്ചിയൂര് ഇല്ലത്ത് ആയുര്വേദ ഫാര്മസിയുടെയും നേതൃത്വത്തില് വിദ്യാര്ഥികള്ക്ക് ഓണ്ലൈന് പഠനത്തിന് ആവശ്യമായ സ്മാര്ട്ട് ടിവികള് സംഭാവന ചെയ്തു. ചങ്ങന്കുളങ്ങര എസ്ആര്വി യുപിഎസ്സിലെ അര്ഹരായ വിദ്യാര്ഥികള്ക്കാണ് ടിവികള് വിതരണം ചെയ്തത്.
ആര്എസ്എസ് വിഭാഗ് കാര്യവാഹ് വി. മുരളീധരന് ഉദ്ഘാടനം ചെയ്തു. ദേശീയ അധ്യാപക പരിഷത്ത് സംസ്ഥാന പ്രസിഡന്റ് പി.എസ്. ഗോപകുമാര്, ആര്എസ്എസ് ഖണ്ഡ് സംഘചാലക് മോഹനന്, ദേശീയ അധ്യാപക പരിഷത്ത് സബ് ജില്ലാ പ്രസിഡന്റ് കൃഷ്ണന് പോറ്റി, വഞ്ചിയൂര് ഇല്ലം ആയുര്വേദ ഫാര്മസി ഉടമ തനൂജ, മനു കൃഷ്ണന്, സ്കൂള് അധ്യാപകരായ ബെന്നി, വിനീത, സരളകുമാരി എന്നിവര് പങ്കെടുത്തു.
