മാഡ്രിഡ്: ചാമ്പ്യന്സ് ലീഗ് പ്രതീക്ഷ കാത്ത് അത്ലറ്റിക്കോ മാഡ്രിഡ്്. ലാ ലിഗയില് വയ്യാഡോളിഡിനെ ഏകപക്ഷീയമായ ഒരു ഗോളിന് തോല്പ്പിച്ചാണ് അത്ലറ്റിക്കോ മാഡ്രിഡ് പ്രതീക്ഷ നിലനിര്ത്തിയത്.
ഈ വിജയത്തോടെ അത്ലറ്റിക്കോ മാഡ്രിഡ് പോയിന്റ് നിലയില് മൂന്നാം സ്ഥാനത്തെത്തി. മുപ്പത് മത്സരങ്ങളില് അവര്ക്ക്് അമ്പത്തിരണ്ട് പോയിന്റുണ്ട്. പകരക്കാരനായി ഇറങ്ങിയ വിറ്റോളുവാണ് കളി അവസാനിക്കാന് ഒമ്പത് മിനിറ്റ് ശേഷിക്കെ അത്ലറ്റിക് മാഡ്രിഡിന്റെ വിജയഗോള് കുറിച്ചത്.
മറ്റൊരു മത്സരത്തില് ഗെറ്റാഫേയെ ഐബര് സമനിലയില് പിടിച്ചു നിര്ത്തി. ഇരു ടീമുകളും ഓരോ ഗോള് വീതം നേടി. മുപ്പതാം മിനിറ്റില് എറ്റേബോ ഗെറ്റാഫേയെ മുന്നിലെത്തിച്ചു. എന്നാല് ആദ്യ പകുതിയുടെ ഇഞ്ചുറി ടൈമില് ഐബര് ഗോള് മടക്കി. ചാള്സാണ് സ്കോര് ചെയ്തത്.
ഈ സമനില ഗെറ്റാഫേയുടെ ചാമ്പ്യന്സ് ലീഗ് പ്രതീക്ഷകള്ക്ക് തിരിച്ചടിയായി. മുപ്പത് മത്സരങ്ങളില് നാല്പ്പത്തിയെട്ട് പോയിന്റുള്ള അവര് അഞ്ചാം സ്ഥാനത്താണ്. പോയിന്റ് നിലയില് ആദ്യ നാലു സ്ഥാനങ്ങള് നേടുന്ന ടീമുകള്ക്കാണ് അടുത്ത സീസണിലെ ചാമ്പ്യന്സ് ലീഗില് കളിക്കാന് അര്ഹത ലഭിക്കുക.
ജന്മഭൂമി ഓണ്ലൈന്