ലണ്ടന്: ബ്രൂണോ ഫെര്ണാണ്ടസ് പെനാല്റ്റിയിലൂടെ നേടിയ ഗോളില് മാഞ്ചസ്റ്റര് യുണൈറ്റഡിന് സമനില. പ്രീമിയര് ലീഗില് ടോട്ടനവുമായാണ് യുണൈറ്റഡ് സമനില പിടിച്ചത്. ഇരു ടീമുകളും ഓരോ ഗോള് വീതം നേടി. കളിയവസാനിക്കാന് നിമിഷങ്ങള് ശേഷിക്കെ യുണൈറ്റഡിന് മറ്റൊരു പെനാല്റ്റി കൂടി ലഭിക്കേണ്ടതായിരുന്നു. എന്നാല് വാര് പരിശോധനയില് പെനാല്റ്റി നിഷേധിച്ചു.
ഇടവേളയ്ക്ക് മുമ്പ് സ്റ്റീവന് ബെര്ഗ്വിന് ടോട്ടനത്തിന് ലീഡ് നേടിക്കൊടുത്തു. ഇരുപത്തിയേഴാം മിനിറ്റിലാണ് ഗോള് പിറന്നത്. കളി അവസാനിക്കാന് ഒമ്പത് മിനിറ്റ് ശേഷിക്കെ ബ്രൂണോ ഫെര്ണാണ്ടസ് പെനാല്റ്റിയിലൂടെ യുണൈറ്റഡിന് സമനില നേടിക്കൊടുത്തു.
ഈ സമനിലയോടെ മാഞ്ചസ്റ്റര് യുണൈറ്റഡ് മുപ്പത് മത്സരങ്ങളില് 46 പോയിന്റുമായി അഞ്ചാം സ്ഥാനത്താണ്. ടോട്ടനം എട്ടാം സ്ഥാനത്തും. അവര്ക്ക് മുപ്പത് മത്സരങ്ങളില് നാല്പ്പത്തിരണ്ട് പോയിന്റുണ്ട്. മറ്റൊരു മത്സരത്തില് നോര്വിച്ച് ഏകപക്ഷീയമായ മൂന്ന് ഗോളുകള്ക്ക് സതാംപ്റ്റണോട് തോറ്റു.
ജന്മഭൂമി ഓണ്ലൈന്