തൃശൂര്‍: കൊറോണ പടരുന്ന സാഹചര്യത്തില്‍ തിരക്ക് ഒഴിവാക്കാനായി രാമവര്‍മ്മപുരം ജില്ലാ ആയുര്‍വേദ ആശുപത്രിയില്‍ വെര്‍ച്വല്‍ ഒപി തുടങ്ങി. വെര്‍ച്വല്‍ ഒപി സംവിധാനത്തിന്റെ ഉദ്ഘാടനം ജില്ലാ പഞ്ചായത്ത് പ്രസിഡന്റ് മേരി തോമസ് നിര്‍വ്വഹിച്ചു. ഡോക്ടറെ കാണുന്നതിന് ഒപി ബുക്കിങ്ങും ഏര്‍പ്പെടുത്തിയിട്ടുണ്ട്.
നിരാമയ പദ്ധതി പ്രകാരമാണ് പുതിയ ചികിത്സാ സൗകര്യങ്ങള്‍ ഒരുക്കിരിക്കുന്നത്. ആശുപത്രിയില്‍ വരാതെ തന്നെ ഡോക്ടര്‍മാരുടെ സേവനം വെര്‍ച്വല്‍ ഒപി വഴി ലഭിക്കും. ഇതിനായി 9188526391എന്ന നമ്പറില്‍ വിളിച്ചു ബുക്ക് ചെയ്യാം. എല്ലാ ദിവസവും വെര്‍ച്വല്‍ ഒപി ബുക്കിങ് ഉണ്ടായിരിക്കും.
തലേദിവസം ബുക്കിങ് ചെയ്യുന്നവര്‍ക്കാണ് വെര്‍ച്വല്‍ ഒപിയുടെ സേവനം ലഭിക്കുക. നേരത്തെ ബുക്ക് ചെയ്യുന്നവര്‍ക്ക് ഒരു നിശ്ചിത സമയത്ത് വീഡിയോ കോണ്‍ഫറന്‍സ് വഴി ഡോക്ടര്‍മാര്‍ സംസാരിക്കുകയും ചികിത്സ നിശ്ചയിക്കുകയും ചെയ്യുന്നു.
പ്രതികരിക്കാൻ ഇവിടെ എഴുതുക: