ശാസ്താംകോട്ട: ചക്കുവള്ളി-പുതിയകാവ് റോഡിലെ അനധികൃത കയ്യേറ്റം സംബന്ധിച്ച് നല്കിയ പരാതിയില് പഞ്ചായത്ത് റവന്യു അധികൃതര് സ്ഥലത്തെത്തി കയ്യേറ്റം പൊളിച്ചുമാറ്റാന് നിര്ദേശം നല്കി. എന്നാല് നിര്ദേശം നല്കി ദിവസങ്ങളായിട്ടും കയ്യേറിയ ഭാഗം പൊളിച്ചുമാറ്റാന് ഉടമകള് തയ്യാറാകുന്നില്ലെന്ന് ആക്ഷേപമുണ്ട്.
ചക്കുവള്ളി-പുതിയകാവ് റോഡില് പെട്രോള്പമ്പ് മുതല് ചിറയിലേക്കുള്ള റോഡ് വരെയാണ് കടകള് ഇറക്കി നിര്മ്മാണം നടത്തിയിരിക്കുന്നത്. ഈ ഭാഗത്താണ് ജോയിന്റ് ആര്ടിഒ ഓഫീസിലെ വാഹന ഫിറ്റ്നസ് ടെസ്റ്റിനായി വാഹനങ്ങള് പാര്ക്ക് ചെയ്യുന്നത്. ഇത്തരത്തില് വാഹനങ്ങള് പാര്ക്ക് ചെയ്യുന്നത് കയ്യേറ്റം കാരണം പലപ്പോഴും റോഡിലാണ്. വന്ഗതാഗതക്കുരുക്കിനും അപകട സാധ്യതക്കും ഇടയാക്കുന്ന ഈ കയ്യേറ്റക്കാരെ ഒഴിപ്പിക്കാനാണ് നാട്ടുകാര് പരാതിയുമായി പഞ്ചായത്ത് റവന്യൂ അധികൃതരെ സമീപിച്ചത്.
എന്നാല് ഉദ്യോഗസ്ഥര് നേരിട്ടെത്തി കയ്യേറ്റങ്ങള് ഒഴിപ്പിക്കാന് ആവശ്യപ്പെട്ടെങ്കിലും കടക്കാര് തയ്യാറാകാത്തതിന് പിന്നില് ഉന്നത ഇടപെടലുïെന്ന് ആക്ഷേപം ഉയര്ന്നിട്ടുണ്ട
