കൊല്ലം: ജില്ലയില് ഇന്നലെ കടയ്ക്കല് സ്വദേശികളായ ദമ്പതികള് ഉള്പ്പെടെ നാലുപേര്ക്ക് കോവിഡ് പോസിറ്റീവ് സ്ഥിരീകരിച്ചു. നാലുവയസുകാരിയടക്കം നാലുപേര് രോഗം ഭേദമായി ആശുപത്രി വിട്ടു. സമ്പര്ക്കംമൂലമുള്ള രോഗബാധയില്ല. രോഗം സ്ഥിരീകരിച്ച നാലുപേരും വിദേശത്തുനിന്നും എത്തിയവരാണ്.
കടയ്ക്കല് സ്വദേശി 49 വയസുള്ള ഭര്ത്താവും 42 വയസുള്ള ഭാര്യയും മെയ് 31ന് അബുദാബിയില് നിന്നും ഐഎക്സ് 1538 നമ്പര് ഫ്ളൈറ്റില് എത്തിയവരാണ്. മെയ് 29ന് അബുദാബി തിരുവനന്തപുരം ഫ്ളൈറ്റില് എത്തിയ പരവൂര് സ്വദേശി(56), ദുബായ് ഫ്ളൈറ്റില് ജൂണ് മൂന്നിനെത്തിയ കടയ്ക്കല് സ്വദേശി(63) എന്നിവര്ക്കാണ് കോവിഡ് സ്ഥിരീകരിച്ചത്. മൂന്നുപേര് പാരിപ്പള്ളി സര്ക്കാര് മെഡിക്കല് കോളേജിലും പരവൂര് സ്വദേശി തിരുവനന്തപുരം മെഡിക്കല് കോളേജിലും ചികിത്സയിലാണ്.
ജൂണ് 26ന് രോഗം സ്ഥിരീകരിച്ച കുളത്തൂപ്പുഴയിലെ നാലുവയസുള്ള പെണ്കുട്ടി, ജൂണ് രണ്ടിന് രോഗം സ്ഥിരീകരിച്ച പട്ടാഴി സ്വദേശിനി ഗര്ഭിണിയായ യുവതി(26), മെയ് 18ന് രോഗം സ്ഥിരീകരിച്ച പത്തനാപുരം സ്വദേശി(44), മെയ് 30ന് രോഗം സ്ഥിരീകരിച്ച തഴവ സ്വദേശി(44) എന്നിവരാണ് രോഗം ഭേദമായി ആശുപത്രി വിട്ടത്.
