പീരുമേട്: ഏറുമ്പടം അമ്പലപ്പാറ ഭാഗങ്ങളില് വന് ചാരായ വേട്ട, 30 ലിറ്റര് ചാരായം പിടികൂടി. ഉപ്പുതറ അമ്പലപ്പാറ നൂറേടത്ത് ശിവന്കുട്ടിയുടെ പുരയിടത്തില് നിന്നാണ് ചാരായം പിടികൂടിയത്. ഇയാള് കുറച്ച് നാളുകളായി ചാരായം വാറ്റി വില്പന നടത്തി വരികയായിരുന്നു.
ഒരു കുപ്പിക്ക് 1000 രൂപ നിരക്കില് ആണ് ചാരായം വിറ്റിരുന്നത്. ദിവസങ്ങളായി ഇയാള് ഷാഡോ ടിമിന്റെ നിരിക്ഷണത്തിലായിരുന്നു. പീരുമേട് റേഞ്ച് എക്സൈസ് ഇന്സ്പക്ടര് മനൂപ് വി.പി.യുടെ നേതൃത്വത്തില് നടന്ന പരിശോധനയില് ഓഫീസര്മാരായ ബെന്നി ജോസഫ്, രാജീവ് പി ഭാസ്കര്, ആല്ബിന് ജോസ്, വി.ടി. ഷൈജു, പി.കെ. ബിജു മോന്, സുമേഷ് എന്നിവര് പങ്കെടുത്തു.
