ന്യൂദല്ഹി : ഇന്ത്യന് ഭാഗങ്ങളേയും ഉള്പ്പെടുത്തിക്കൊണ്ട് നേപ്പാള് പുതിയ ഭൂപടം പുറത്തിറക്കിയത് അംഗീകരിക്കില്ലെന്ന് കേന്ദ്ര സര്ക്കാര്. തെളിവുകളെ അടിസ്ഥാനമാക്കിയല്ല മാപ്പ് പുറത്തിറക്കിയിരിക്കുന്നത്. കൃത്രിമ തെളിവുകള് ഇന്ത്യ അംഗീകരിക്കില്ലെന്നും മന്ത്രാലയം വ്യക്തമാക്കി.
അതിര്ത്തി പ്രശ്നങ്ങള് പരിഹരിക്കുന്നതിനുള്ള ഉഭയ കക്ഷി ധാരണയ്ക്ക് വിരുദ്ധമായാണ് നേപ്പാള് ഭൂപടം പുറത്തിറക്കിയിട്ടുള്ളത്. വിഷയത്തില് ഇന്ത്യയുടെ സ്ഥിരമായ നിലപാട് നേരത്തെ വ്യക്തമാക്കിയിട്ടുള്ളതാണ്. നേപ്പാളിന് ഇക്കാര്യം അറിയാവുന്നതുമാണ്. നീതീകരിക്കപ്പെടാത്ത കാര്ട്ടോഗ്രാഫിക് വാദത്തില് നിന്നും വിട്ടു നില്ക്കാനും ഇന്ത്യയുടെ പ്രാദേശിക സമഗ്രതയെ ബഹുമാനിക്കാനും നേപ്പാളിനോട് ആവശ്യപ്പെടുന്നതായും വിദേശകാര്യ മന്ത്രാലയം.
ഇന്ത്യയുടെ ഭാഗമായ ലിംപിയാധുര, ലിപുലേക്ക്, കാലാപാനി തുടങ്ങിയ പ്രദേശങ്ങള് നേപ്പാളിന്റെ ഭാഗമായി ചിത്രീകരിച്ചാണ് പുതിയ മാപ്പ് പുറത്തിറക്കിയത്. ഇത്തരം അതിര്ത്തി പ്രശ്നങ്ങള് പരിഹരിക്കുന്നതിനായി നയതന്ത്ര സംഭാഷണങ്ങള്ക്ക് നേപ്പാള് നേതൃത്വം മികച്ച അന്തരീക്ഷം സൃഷ്ടിക്കുമെന്ന് കരുതുന്നതെന്നും കേന്ദ്ര സര്ക്കാര് കൂട്ടിച്ചേര്ത്തു.
