തെങ്കാശി: ലോക്ക് ഡൗണ് ലംഘിച്ച് തെങ്കാശിയില് ജുമ നമസ്കാരത്തിനെത്തിയവര് തടയാന് ശ്രമിച്ച പോലീസിനെ ആക്രമിച്ചു. സംഘര്ഷത്തിനൊടുവില് കൂടുതല് പോലീസെത്തി കൂട്ട നിസ്കാരക്കാരെ ഒഴിപ്പിച്ചു.
വെള്ളിയാഴ്ച നിസ്കാരത്തിന്റെ പേരിലാണ് കേരളാ അതിര്ത്തിയിലുള്ള തെങ്കാശി പട്ടണത്തിലെ നടുപ്പേട്ട മുസ്ലിം പള്ളിയില് നൂറുകണക്കിന് ആളുകള് സംഘടിച്ചത്. ജുമ നമസ്കാരവും കൂട്ടപ്രാര്ഥനയ്ക്കുമായി നൂറുകണക്കിന് ആളുകള് പള്ളിയില് എത്തിയതറിഞ്ഞ് പോലീസ് പള്ളിഭാരവാഹികളോടും മൗലവിമാരോടും സംസാരിച്ചങ്കിലും ഇവര് സംഘടിച്ച് എണ്ണത്തില് കുറവായിരുന്ന പോലീസുകാരെ ആക്രമിക്കുകയായിരുന്നു.
ഒടുവില് കൂടുതല് പോലീസെത്തി ലാത്തിവീശിയാണ് അക്രമികളെ പള്ളിയില് നിന്നും ഒഴിവാക്കിയത്. തെങ്കാശി ശിവക്ഷേത്രമടക്കം വലിയ പട്ടണമായ തെങ്കാശി ലോക്ക് ഡൗണ് മൂലം കനത്ത നിയന്ത്രണത്തിലാണ്. എന്നാല് മുമ്പും വര്ഗീയ സംഘര്ഷങ്ങളടക്കം ഉണ്ടാക്കിയിട്ടുള്ള മുസ്ലിം മത മൗലികവാദികള് ഇവിടുണ്ട്. നിയമസംവിധാനങ്ങള് പാലിക്കാന് കടുത്ത വിമുഖതയുള്ള ഇവരില് പലരും തബ്ലീഗ് അടക്കമുള്ള മാര്ഗങ്ങള് പിന്തുടരുന്നവരും കൂടിയാണ്. നിയന്ത്രണങ്ങള് ലംഘിച്ച് കൂട്ട നിസ്കാരത്തിനെത്തുന്നത് ഇവിടെ നാട്ടുകാരെ കടുത്ത ഭീതിയിലാക്കിയിട്ടുണ്ട്.
സജീഷ് വടമണ്
