തിരുവനന്തപുരം: യുവമോര്‍ച്ചയുടെ നേതൃത്വത്തില്‍ സംസ്ഥാന വ്യാപകമായി കൊറോണ പ്രതിരോധ പ്രവര്‍ത്തനത്തിന് ഇന്ന് തലസ്ഥാനത്ത് തുടക്കം കുറിച്ചു. ഇതിന്റെ ഭാഗമായി പൊതുജനങ്ങളുടെ ഉപയോഗത്തിനായി മാസ്‌കുകളുടെ വിതരണ ഉദ്ഘാടനം യുവമോര്‍ച്ച സംസ്ഥാന അധ്യക്ഷന്‍ പ്രഭുല്‍ കൃഷ്ണ തമ്പാനൂര്‍ റെയില്‍വേ സ്റ്റേഷനില്‍ നിര്‍വഹിച്ചു. തുടര്‍ന്ന് യുവമോര്‍ച്ച പ്രവര്‍ത്തകര്‍ സ്റ്റേഷനിനുള്ളില്‍ യാത്രക്കാര്‍ക്ക് മാസ്‌കുകള്‍ വിതരണം ചെയ്തു.
സംസ്ഥാനത്തിന്റെ എല്ലാ ഭാഗങ്ങളിലും യുവമോര്‍ച്ച പ്രവര്‍ത്തകര്‍ അടിയന്തരമായി കൊറോണ പ്രതിരോധ ബോധവല്‍ക്കരണവും പ്രവര്‍ത്തനങ്ങളും നടത്തുമെന്നും സംസ്ഥാനത്ത് ഉടനീളം മാസ്‌കുകള്‍ക്കും ഹാന്‍ഡ് സാനറ്റൈസറുകള്‍ക്കും വലിയ രീതിയിലുള്ള ക്ഷാമം അനുഭവപ്പെടുകയാണ്. ഇവ അടിയന്തരമായി ലഭ്യമാക്കാനുള്ള നടപടികള്‍ സര്‍ക്കാര്‍ കൈക്കെള്ളണമെന്നും പ്രഭുല്‍ കൃഷ്ണ പറഞ്ഞു.
