കൊല്ക്കത്ത: മോഹന് ബെഗാന് ഐ ലീഗ് കിരീടം. കൊല്ക്കത്തയിലെ കല്യാണി സ്റ്റേഡിയത്തില് നടന്ന മത്സരത്തില് ഏകപക്ഷീയമായ ഒരു ഗോളിന് ഐസ്വാള് എഫ്സിയെ വീഴ്ത്തിയാണ് ബഗാന് ചാമ്പ്യന്മാരായത്. ബാബ ഡിയാവാരയാണ് നിര്ണായകമായ ഗോള് നേടിയത്.
അഞ്ചുവര്ഷത്തിനുള്ളില് ഇത് രണ്ടാം തവണയാണ് ബഗാന് ഐ ലീഗ് കിരീടം നേടുന്നത്. 2014-15 സീസണില് ബഗാന് കിരീടം ചൂടിയിരുന്നു.
ഈ വിജയത്തോടെ പതിനാറ് മത്സരങ്ങളില് ബഗാന് 39 പോയിന്റായി. നാല് മത്സരങ്ങള് കൂടി ശേഷിക്കെയാണ് അവര് കിരീടം കൈപ്പിടിയിലാക്കിയത്. രണ്ടാം സ്ഥാനത്തുള്ള ഈസ്റ്റ് ബംഗാളിന് 16 മത്സരങ്ങളില് 23 പോയിന്റാണുള്ളത്. അവസാന നാലു മത്സരങ്ങളില് വിജയിച്ചാലും ഈസ്റ്റ് ബംഗാളിന് മോഹന് ബഗാനെ മറികടക്കാനാകില്ല.
ഈ സീസണില് മിന്നുന്ന പ്രകടനമാണ് ബഗാന് കാഴ്ചവച്ചത്. പതിനാറ് മത്സരങ്ങളില് ഒരെണ്ണത്തില് മാത്രമാണ് തോല്വി അറിഞ്ഞത്. പന്ത്രണ്ട് മത്സരങ്ങളില് വിജയം നേടി. മൂന്ന് മത്സരങ്ങള് സമനിലയായി.
കളിയുടെ എണ്പതാം മിനിറ്റിലാണ് ബഗാന് കിരീടം സ്മ്മാനിച്ച ഗോള് പിറന്നത്. ജോസ്ബ ബീറ്റിയ നല്കിയ പാസ് കാലില് കുരുക്കിയ ബാബ പിഴയ്്ക്കാത്ത ഷോട്ടിലൂടെ ഐസ്വാളിന്റെ വലയില് കുരുക്കി.
മൂന്ന് മാസം മുമ്പ് ഐസ്വാളിലെ രാജീവ് ഗാന്ധി സ്റ്റേഡിയത്തില് ഈ ടീമുകള് ഏറ്റുമുട്ടിയപ്പോള് മത്സരം ഗോള് രഹിത സമനിലയായി. പിന്നീട് ഓരോ മത്സരത്തിലും മികവ് കാട്ടിയ ബഗാന് കിരീടം സ്വന്തമാക്കി. അതേസമയം ഫോമിലേക്ക് ഉയരാന് ആയാസപ്പെട്ട ഐസ്വാള് പോയിന്റ് നിലയില് പിന്നിലായി. പതിനഞ്ച് മത്സരങ്ങളില് പതിനാറ് പോയിന്റുള്ള അവര് പത്താം സ്ഥാനത്താണ്.
ഇംഫാലില് നടന്ന മറ്റൊരു മത്സരത്തില് നെറോക്ക എഫ്സി മൂന്നിനെതിരെ നാലു ഗോളുകള്ക്ക് മിനര്വ പഞ്ചാബിനെ പരാജയപ്പെടുത്തി. ടെറ്റി നാഥ് ഫിലിപ്പിന്റെ ഹാട്രിക്കാണ് നെറോക്കയ്ക്ക്് വിജയമൊരുക്കിയത്. 5, 37, 82 മിനിറ്റുകളില് ഗോള് നേടിയാണ് ഫിലിപ്പ് ഹാട്രിക്ക് തികച്ചത്. മറ്റൊരു ഗോള് മിനര്വയുടെ ദാനമായിരുന്നു. ഡാനിലോയുടെ കാലില് നിന്നാണ് പന്ത് മിനര്വയുടെ വലയില് കയറിയത്. മിനര്വയ്ക്കായി ദീപാന്ഡ ഡിക്ക, ഘോസ്ല, രാജു എന്നിവരാണ് ഗോളുകള് നേടിയത്.
ഈ തോല്വിയോടെ മിനര്വ 16 മത്സരങ്ങളില് 23 പോയിന്റുമായി മൂന്നാം സ്ഥാനത്താണ്. അതേസമയം നെറോക്ക എഫ്സി പതിനാറ് മത്സരങ്ങളില് പതിനെട്ട് പോയിന്റുമായി ഒമ്പതാം സ്ഥാനത്താണ്.
