ഫെബ്രുവരി 29 എന്ന ദിവസം പലരുടെയും ജീവിതത്തിലും വളരെയാധികം പ്രത്യകതകള് നിറഞ്ഞതാണ്. നാല് വര്ഷത്തിലൊരിക്കല് വന്ന് പോവുന്ന ഈ ദിവസം നിരവധിപേര്ക്ക് ആഘോഷത്തിന്റെ നാളുകൂടിയാണ്. ലീപ് ഇയറില് സന്തോഷിക്കുന്നവരുടെ കൂട്ടത്തില് ഒരാളാണ് നടന് കുഞ്ചാക്കോ ബോബന്റെ അമ്മ മോളി. കുഞ്ചാക്കോ ഇന്സ്റ്റാഗ്രാമില് പങ്കുവച്ച ചിത്രത്തിലൂടെയാണ് താരം ഇക്കാര്യം വെളിപ്പെടുത്തിയത്.
എന്റെ ജീവിതത്തില് ഞാന് കണ്ട ഏറ്റവും കരുത്തുറ്റ സ്ത്രീ. ജീവിതത്തിലെ ഏറ്റവും കഠിനമായ പരീക്ഷണങ്ങളെ അവര് ധീരതയോടെ നേരിട്ടു. എന്റെ ജീവിതത്തില് ഞാന് അല്പ്പമെങ്കിലും നല്ലൊരു വ്യക്തിയാണെങ്കില് അതിന് അമ്മയോടാണ് ഞാന് നന്ദി പറയുന്നത്. പിറന്നാള് ആശംസകള് അമ്മേ… ഈ ദിവസം നാല് വര്ഷത്തിലൊരിക്കലേ വരൂ എന്നത് കൊണ്ട് തന്നെ അമ്മയ്ക്കിപ്പോള് മധുരപ്പതിനാറാണ്. ഒരുപാട് സ്നേഹവും ഒപ്പം ചുംബനങ്ങളും. അനുഗ്രങ്ങളും ആശീര്വാദങ്ങളും അമ്മ അര്ഹിക്കുന്നുവെന്ന് ചാക്കോച്ചന് കുറിച്ചു.
അമ്മയുടെ രണ്ട് കാലഘട്ടത്തിലുള്ള ചിത്രവും ചാക്കോച്ചന് പങ്കുവെച്ചിരുന്നു. ഒന്ന് ചെറുപ്പത്തില് തന്നെയും സഹോദരിയെയും ചേര്ത്ത് പിടിച്ചിരിക്കുന്ന അമ്മ മോളിയുടെ ഫോട്ടോയാണ്. മറ്റൊന്ന് കുഞ്ചാക്കോ ബോബന്റെ മകന് ഇസയും മറ്റ് പേരക്കുട്ടികളെയും എടുത്ത് ഇരിക്കുന്ന ചിത്രവുമാണ്.
