ചങ്ങനാശ്ശേരി: എസ്എന്ഡിപി യോഗവും എന്എസ്എസും ചേര്ന്ന് രൂപീകരിച്ച ഹിന്ദുമത മഹാമണ്ഡലത്തിന്റെ 70-ാം വാര്ഷികത്തോടനുബന്ധിച്ച് ഹിന്ദുഐക്യവേദിയുടെ നേതൃത്വത്തില് 22ന് ഉച്ചയ്ക്ക് 2.30ന് ഹിന്ദു മഹാമണ്ഡല സ്മൃതി സംഗമം സംഘടിപ്പിക്കും.
ചങ്ങനാശ്ശേരി പെരുന്ന ശിവഗംഗ ഓഡിറ്റോറിയത്തില് നടക്കുന്ന പരിപാടിയില് വിവിധ സാമുദായിക സംഘടനകളുടെ സംസ്ഥാന ഭാരവാഹികള്, സന്ന്യാസിശ്രേഷ്ഠന്മാര്, ആചാര്യന്മാര് തുടങ്ങിയവര് പങ്കെടുക്കും.
അവലോകന യോഗത്തില് സംഘാടക സമിതി ചെയര്മാന് പ്രൊഫ. പി.കെ. ബാലകൃഷ്ണ കുറുപ്പ് അധ്യക്ഷനായി. ഹിന്ദുഐക്യവേദി സംസ്ഥാന വര്ക്കിങ് പ്രസിഡന്റ് കെ.വി. ശിവന്, സംസ്ഥാന ജനറല് സെക്രട്ടറി ഇ.എസ്. ബിജു, ഓര്ഗനൈസിങ് സെക്രട്ടറി സി. ബാബു, കെപിഎംഎസ് സംസ്ഥാന സമിതി അംഗം എന്.കെ. നീലകണ്ഠന് മാസ്റ്റര്, എകെസിഎച്ച്എംഎസ് സംസ്ഥാന പ്രസിഡന്റ് പി.എസ്. പ്രസാദ്, ഹിന്ദു സാംബവ മഹാസഭ സംസ്ഥാന ജനറല് സെക്രട്ടറി എം. സത്യശീലന്, ഹിന്ദുഐക്യവേദി ജില്ലാ സെക്രട്ടറി രാജേഷ് നട്ടാശേരി, സംഘാടക സമിതി ജനറല് കണ്വീനര് പ്രൊഫ.
ടി. ഹരിലാല്, ഭാരവാഹികളായ പി.എന്. ബാലകൃഷ്ണന്, കെ.എസ്. ഓമനക്കുട്ടന്, എന്.പി. കൃഷ്ണകുമാര് എന്നിവര് സംസാരിച്ചു.
