മട്ടാഞ്ചേരി: കേന്ദ്ര സര്ക്കാരിന്റെ പ്രോത്സാഹന പരിപാടികളെ തുടര്ന്ന് ഖാദി മേഖല വന് വികസന കുതിപ്പില്. ആറ് വര്ഷത്തിനിടെ ആറിരട്ടി വില്പ്പന വര്ധിച്ചു. വിറ്റുവരവ് 5000 കോടിയായി. അന്താരാഷ്ട്ര തലത്തില് ട്രേഡ് മാര്ക്ക് നേട്ടവും കയറ്റുമതി വര്ധനയും ഖാദി ഉപഭോക്തൃമേഖല വ്യാപനവും അടിസ്ഥാന സൗകര്യ വികസനവും ഖാദിയുടെ കുതിപ്പിനിടയാക്കി. ഒരു ലക്ഷത്തിലേറെ തൊഴിലവസരവും ഖാദി മേഖലയിലുണ്ട്.
ഗാന്ധിജിയുടെ 150-ാം ജന്മവാര്ഷിക വര്ഷത്തില് 1800 കോടിയുടെ വില്പ്പനയാണുണ്ടായത്. 30 ശതമാനം മുന്നേറ്റം. 2004ല് 914.07 കോടി രൂപയുടെ വില്പ്പനയായിരുന്നത് 2014ല് 1311 കോടി രൂപയായി. 2018 ലിത് 3215 കോടിയും 2019ല് 5000 കോടിയുമായി. 2015-2019 നകം രാജ്യത്താകമാനം പുതുതായി 2000 ഖാദി വില്പ്പനശാലകള് തുടങ്ങി. 2000 എണ്ണം നവീകരിച്ചു. 50,000 നിയമനങ്ങളും നെയ്ത്തുമേഖലയില് 2014-18 കാലയളവില് 18 ലക്ഷം തൊഴിലവസരങ്ങളും, വിവിധതലങ്ങളിലായി ഒരു ലക്ഷത്തോളം തൊഴിലവസരങ്ങളും സൃഷ്ടിച്ചു.
ഖാദി കയറ്റുമതി 2014 ലെ 87.77 കോടി രൂപയില് നിന്ന് 2018ല് 205 കോടി രൂപയായി വര്ധിച്ചു. അര്ദ്ധ സൈനിക വിഭാഗം, സ്കൂള് യൂണിഫോം, സര്ക്കാര് ജീവനക്കാര് തുടങ്ങിയ മേഖലകളില് ഖാദി വസ്ത്രം വന് പ്രചാരം നേടി. ഖാദി നെയ്ത്ത്, വിപണന, പ്രചാരണ മേഖലയില് നടത്തിയ ആധുനികീകരണവും യുവതല മുറയ്ക്കും ഖാദിയെ ആകര്ഷകമാക്കി.
ഖാദി ഉത്പന്നങ്ങള്ക്കൊപ്പം ഖാദി ഗ്രാമവ്യവസായ മേഖലയിലും വന് മുന്നേറ്റമാണുണ്ടാക്കിയത്. തേന്, പപ്പടം, ഡിറ്റര്ജന്റ് അടക്കം അഞ്ഞൂറിലേറെ ഇന ങ്ങളാണ് ഗ്രാമ വ്യവസായ മേഖലയിലുള്ളത്. 2015ല് 31,965 കോടി രൂപ വില്പ്പനയില് നിന്ന് 2019 ലിത് 75,000 കോടിയായും വര്ധിച്ചു.
ചര്ക്ക ദുരുപയോഗിക്കുന്നു ഖാദി ഉത്പന്നങ്ങളുടെ ട്രേഡ് മാര്ക്ക് ചിഹ്നമായ ‘ചര്ക്ക’ യെ മറ്റു വ്യവസായ കേന്ദ്രങ്ങള് ദുരുപയോഗം ചെയ്യുന്നതായി ഖാദി പരാതിപ്പെടുന്നു. ഇന്ത്യയില് നൂറോളം ഉത്പന്നങ്ങള് ഖാദി രജിസ്ട്രേഷന് നേടിയ പട്ടികയിലുണ്ട്. ചര്ക്ക അവയിലൊന്നാണ്. റഷ്യ, യുകെ, ജര്മ്മനി, ഓസ്ട്രേലിയ, ഭൂട്ടാന്, ചൈന എന്നീ രാജ്യങ്ങളിലും ചര്ക്ക ഉത്പന്ന മാര്ക്കായി ഉപയോഗിക്കുന്നു. ഇത് യുഎന് അന്താരാഷ്ട്ര തീരുമാനത്തിനെതിരാണ്. ഖാദി കമ്മീഷന് ഇതിനെതിരായ നടപടിക്കായി കേന്ദ്ര സര്ക്കാരിനോട് അഭ്യര്ത്ഥിച്ചതായി ഖാദി ഗ്രാമ വ്യവസായ കമ്മീഷന് ചെയര്മാന് വിനയ് കുമാര് സക്സേന അറിയിച്ചു.
