കൊച്ചി: നടിയെ ആക്രമിച്ച കേസില് പ്രതിപ്പട്ടികയില് നിന്ന് ഒഴിവാക്കണമെന്ന് ആവശ്യപ്പെട്ട് ദിലീപ് ഹൈക്കോടതിയെ സമീപിച്ചു. ഇതോടൊപ്പം കേസിലെ പ്രതി പള്സര് സുനി തന്നെ ഭീഷണിപ്പെടുത്തിയ കേസില് പ്രത്യേകം വിചാരണ നടത്തണമെന്ന ആവശ്യവും ദിലീപ് ഉന്നയിച്ചിട്ടുണ്ട്.
അതേസമയം, നടിയെ ആക്രമിച്ച കേസിലെ പ്രധാന തെളിവായ ദൃശ്യങ്ങള് ഫൊറന്സിക് പരിശോധനയ്ക്ക് അയച്ചു. ചണ്ഡിഗഡിലെ കേന്ദ്ര ഫൊറന്സിക് ലാബിലേക്കാണ് ദൃശ്യങ്ങള് അയച്ചത്. ദൃശ്യങ്ങളുടെ ആധികാരികത പരിശോധിക്കണമെന്ന നടന് ദിലീപിന്റെ ആവശ്യത്തെ തുടര്ന്നാണ് നടപടി.
കോടതി പരിശോധിച്ച മെമ്മറി കാര്ഡിലെ ദൃശ്യങ്ങളുടെ തനിപ്പകര്പ്പാണ് ലാബിലേക്ക് അയച്ചത്. പ്രതിഭാഗത്തിനൊപ്പം ദൃശ്യങ്ങള് പരിശോധിച്ച സാങ്കേതിക വിദഗ്ധര് തയ്യാറാക്കിയ ചോദ്യാവലികള്ക്കൊപ്പമാണ് ദൃശ്യങ്ങള് പരിശോധനയ്ക്ക് അയച്ചിരിക്കുന്നത്. പ്രതിപട്ടികയില് നിന്ന് ദിലീപിന്റെ ആവശ്യം നേരത്തെ വിചാരണക്കോടതി തള്ളിയിരുന്നു.
