കോഴിക്കോട്: പന്തീരങ്കാവ് യുഎപിഎ കേസില് അറസ്റ്റിലായ എസ്എഫ്ഐ പ്രവര്ത്തകര്ക്ക്് പിന്തുണയുമായി പ്രതിപക്ഷ നേതാവ് രമേശ് ചെന്നിത്തല. അലന് ഷുഹൈബും, താഹയും ചെയ്ത കുറ്റം എന്താണെന്ന് മുഖ്യമന്ത്രി പറയണമെന്നും ചെന്നിത്തല പറഞ്ഞു. ഇന്ന് രാവിലെ താഹയുടെ വീട് സന്ദര്ശിക്കവേയാണ് ഇക്കാര്യം വെളിപ്പെടുത്തിയത്.
അതേസമയം യുഎപിഎ കേസില് ഇരുവരേയും ചോദ്യം ചെയ്യുന്നതിനായി വിട്ടു നല്കണമെന്ന എന്ഐഎയുടെ അപേക്ഷയില് കൊച്ചിയിലെ പ്രത്യേക കോടതി ഇന്ന് പരിഗണിക്കാനിരിക്കേയാണ് ചെന്നിത്തല താഹയുടെ വീട്ടില് സന്ദര്ശനം നടത്തിയിരിക്കുന്നത്. കേസില് വിശദമായ അന്വേഷണങ്ങള്ക്ക് ഇരുവരേയും ഏഴ് ദിവസത്തെ കസ്റ്റഡിയില് വിട്ടുനല്കണമെന്നാണ് എന്ഐഎ ആവശ്യപ്പെട്ടിരിക്കുന്നത്. കോഴിക്കോട് പന്തീരങ്കാവ് പോലീസാണ് ഇരുവര്ക്കുമെതിരെ ആദ്യം കേസ് ഫയല് ചെയ്തത്. പിന്നീടാണ് കേസ് എന്ഐഎയ്ക്കുവിട്ടത്.
അലനും താഹയ്ക്കുമെതിരെ എന്ഐഎ കേസ് ഏറ്റെടുത്ത് നടത്തിയത് സംസ്ഥാന സര്ക്കാരിന്റെ പ്രത്യേക ഇടപെടല് മൂലമാണ്. ആല്ലാതെ യുഎപിഎ ചുമത്തുന്ന എല്ലാ കേസും എന്ഐഎ ഏറ്റെടുക്കാറില്ല. ഇരുവരും മാവോയിസ്റ്റ് പ്രവര്ത്തകരാണെന്ന് മുഖ്യമന്ത്രി ആവര്ത്തിക്കുന്നുണ്ട്. ഇവര്ക്കെതിരെ എന്ത് തെളിവാണ് ലഭിച്ചതെന്നും അദ്ദേഹം വ്യക്തമാക്കണം. വിഷയത്തില് യുഡിഎഫിന് രാഷ്ട്രീയ ലക്ഷ്യങ്ങള് ഇല്ലെന്നും ചെനേനിത്തല കൂട്ടിച്ചേര്ത്തു.
അതിനിടെ തങ്ങള് മാവോയിസ്റ്റ് പ്രവര്ത്തകര് ആണെങ്കില് ആരെയാണ് കൊലപ്പെടുത്തിയതെന്നും, എവിടെയാണ് ബോംബ് വെച്ചിട്ടുള്ളതെന്നും മുഖ്യമന്ത്രി വ്യക്തമാക്കണമെന്ന് അലന് ഷുഹൈബും താഹയും അറിയിച്ചു. ഇരുവരെയും കൊച്ചിയിലെ പ്രത്യേക കോടതിയില് ഹാജരാക്കിയശേഷം തിരിച്ചു കൊണ്ടുപോകവേ മാധ്യമ പ്രവര്ത്തകരോടാണ് ഇത്തരത്തില് പ്രതികരിച്ചത്.
തങ്ങള് സിപിഎം പ്രവര്ത്തകര് ആണ്. തെരഞ്ഞെടുപ്പില് സിപിഎമ്മിനു വേണ്ടി പോസ്റ്റര് ഒട്ടിക്കാനും പ്രചാരണ പ്രവര്ത്തനങ്ങളില് പങ്കെടുത്തിട്ടുണ്ട്. തങ്ങള് മാവോയിസ്റ്റ് ആണെന്നതിന് എന്ത് തെളിവാണ് ലഭിച്ചിരിക്കുന്നതെന്ന് മുഖ്യമന്ത്രി വെളിപ്പെടുത്തണമെന്നും അലന് അറിയിച്ചിരുന്നു.
