മലപ്പുറം: കേരള ഗവര്ണര്ക്കെതിരെ മുസ്ലീം ലീഗ്. ഗവര്ണറെ ഇംപീച്ച് ചെയ്യാന് അധികാരം വേണമെന്ന് മുസ്ലിം ലീഗ് ദേശീയ ഓര്ഗനൈസിങ് സെക്രട്ടറി ഇ.ടി മുഹമ്മദ് ബഷീര് എം.പി പറഞ്ഞു. നാമനിര്ദേശം വഴി ഗവര്ണര്മാരെ നിയമിക്കുന്നത് ശരിയല്ല. ഗവര്ണര്മാരെ നിയമിക്കുന്ന രീതിയില് മാറ്റം വരുത്തണം. ഈ വിഷയത്തില് സര്ക്കാരിയ കമ്മീഷന് റിപ്പോര്ട്ട് പരിഗണിക്കണമെന്നും ഇ.ടി മുഹമ്മദ് ബഷീര് ആവശ്യപ്പെട്ടു. പൗരത്വ നിയമത്തെ ഗവര്ണര് ആരിഫ് മുഹമ്മദ് ഖാന് അനുകൂലിച്ചതാണ് ലീഗിനെ ചൊടിപ്പിച്ചിരിക്കുന്നത്.
എന്നാല്, കേന്ദ്ര പട്ടികയില് വരുന്ന പൗരത്വ നിയമം നടപ്പാക്കാതിരിക്കാന് ഒരു സംസ്ഥാനങ്ങള്ക്കും കഴിയില്ലെന്ന് ഗവര്ണര് ആരിഫ് മുഹമ്മദ് ഖാന് വ്യക്തമാക്കി. ഭരണഘടനയുടെ 254ാം വകുപ്പില് പെടുന്ന നിയമം ആയതിനാല് എത്ര എതിര്പ്പുണ്ടായാലും സംസ്ഥാനങ്ങള് നടപ്പാക്കാന് ബാധ്യസ്ഥരാണെന്നും അദേഹം പറഞ്ഞു. അതേസമയം, പൗരത്വ നിയമത്തിനെതിരെ സുപ്രീംകോടതിയെ സമീപിച്ച പിണറായി സര്ക്കാരിനോട് ഗവര്ണര് വിശദീകരണം തേടി. ചീഫ് സെക്രട്ടറിയോടാണ് രാജ്ഭവന് വിശദീകരണം ആവശ്യപ്പെട്ടത്. തന്നോട് ആലോചിക്കാതെയാണ് സര്ക്കാര് സിഎഎക്കെതിരെ സുപ്രീം കോടതിയെ സമീപിച്ചതെന്ന് ഗവര്ണര് കഴിഞ്ഞ ദിവസം വ്യക്തമാക്കിയിരുന്നു. ഇതിന്റെ അടിസ്ഥാനത്തിലാണ് അദേഹം ഇന്ന് വിശദീകരണം തേടിയിരിക്കുന്നത്. റൂള്സ് ഓഫ് ബിസിനസിലെ 34(2)ലെ അഞ്ചാം വകുപ്പ് വായിച്ചാണ് ഗവര്ണര് സര്ക്കാര് നടപടിയെ എതിര്ത്തത്. കേന്ദ്ര, സംസ്ഥാന ബന്ധങ്ങളെ ബാധിക്കുന്ന വിഷയങ്ങളില് ഗവര്ണറുടെ അനുമതി ആവശ്യമാണെന്ന് റൂള്സ് ഓഫ് ബിസിനസ് വ്യക്തമാക്കുന്നുവെന്ന് അദേഹം പറഞ്ഞു.
