തിരുവനന്തപുരം: പ്രാദേശിക തലത്തിലെ ദുരന്തപ്രതിരോധ പദ്ധതിയുടെ സംസ്ഥാനതല ഉദ്ഘാടനം മുഖ്യമന്ത്രി പിണറായി വിജയന് ഈ മാസം 21ന് രാവിലെ 9.30ന് തിരുവനന്തപുരത്ത് നിര്വഹിക്കും. നാലാഞ്ചിറ ഗിരിദീപം കണ്വെന്ഷന് സെന്ററില് നടക്കുന്ന പരിപാടിയില് തദ്ദേശ സ്വയംഭരണ വകുപ്പ് മന്ത്രി എ.സി മൊയ്തീന് അധ്യക്ഷനാകും.
വാര്ഡ് തലത്തില് ദുരന്തപ്രതിരോധ പ്രവര്ത്തനങ്ങള് തയ്യാറാക്കുന്നതിനായി ഫെബ്രുവരിയില് പ്രത്യേക ഗ്രാമസഭകള് ചേരും. അതിനുമുന്നോടിയായി സംസ്ഥാനത്തുടനീളം 2.46 ലക്ഷം പ്രവര്ത്തകര്ക്ക് കില വഴി പരിശീലനം നല്കുകയാണ്. പഞ്ചായത്ത് തലത്തില് നമ്മള് നമുക്കായി വികസന സെമിനാറും സംഘടിപ്പിക്കുന്നുണ്ട്. പ്രകൃതി സൗഹാര്ദ പുനര്നിര്മാണവും ദുരന്തപ്രതിരോധ പ്രവര്ത്തനങ്ങളുടെ ഭാഗമായി ജനാഭിപ്രായം ശേഖരിക്കുന്ന ‘നമ്മള് നമുക്കായി’ പരിപാടിക്കും അന്ന് തുടക്കമാകും.
പ്രത്യേക ഗ്രാമസഭ മുതല് പ്രത്യേക നിയമസഭ സമ്മേളനം വരെ നീണ്ട് നില്ക്കുന്ന പരിപാടിയാണ് നമ്മള് നമുക്കായി. തദ്ദേശ സ്വയംഭരണ സ്ഥാപനങ്ങളിലെ പ്രസിഡന്റുമാര്, സെക്രട്ടറിമാര്, ആസൂത്രണ വിദഗ്ധര് തുടങ്ങിയവര് പരിപാടിയില് പങ്കെടുക്കും.
