പോര്‍ട്‌ബ്ലെയര്‍ : വീര്‍ സവര്‍ക്കര്‍ ഉള്‍പ്പടെ സ്വാതന്ത്ര്യ സമരത്തിന് വേണ്ടി പോരാടിയ നായകരുടെ ജീവചരിത്രം വിദ്യാര്‍ത്ഥികളുടെ പാഠ്യപദ്ധതിയുടെ ഭാഗമാക്കണം. രാജ്യത്തെ വിവിധ സംസ്ഥാനങ്ങളില്‍ ഇത് നടപ്പിലാക്കണമെന്നും ഉപരാഷ്‌ട്രപതി എം. വെങ്കയ്യ നായിഡു.
ആന്‍ഡമാന്‍ നിക്കോബര്‍ ദ്വീപിലെ സെല്ലുലാര്‍ ജെയില്‍ ജനപ്രതിനിധികളെല്ലാം സന്ദര്‍ശിക്കേണ്ട ഒന്നാണ്. സ്വാതന്ത്ര്യ സമരകാലത്തെ ജയിലിലെ ശിക്ഷാ നടപടിയും മറ്റും വിദ്യാര്‍ത്ഥികളെ ചരിത്ര വിഷയത്തിന്റെ ഭാഗമായി പഠിപ്പിക്കേണ്ടതാണ്.
വീര്‍ സവര്‍ക്കര്‍, ബാബ ഭാന്‍ സിങ്, ഇന്ദു ഭൂഷണ്‍ റോയി, എന്നിവര്‍ വര്‍ഷങ്ങളോളം സ്വാതന്ത്ര്യ ലബ്ധിക്കായി സെല്ലുലാര്‍ ജെയിലില്‍ ശിക്ഷയനുഭവിച്ച് കഴിഞ്ഞിട്ടുള്ളവരാണ്. 1896- 1906 കാലയളവില്‍ ബ്രിട്ടീഷുകാരാണ് സെല്ലുലാര്‍ ജെയില്‍ നിര്‍മിച്ചത്. പോര്‍ട് ബ്ലെയര്‍ മുനിസിപ്പാലിറ്റി സംഘടിപ്പിച്ച ചടങ്ങില്‍ സംസാരിക്കവേയാണ് ഇക്കാര്യം അറിയിച്ചത്.
രാജ്യത്തെ പൗരന്മാര്‍ സ്വാതന്ത്യ സമരകാലത്തെ ധീരന്മാരില്‍ നിന്നുള്ള പ്രേരണ ഉള്‍ക്കൊള്ളേണ്ടതാണ്. ഇവരില്‍ നിന്നുള്ള നല്ലവശങ്ങള്‍ ഉള്‍ക്കൊണ്ട് അത് ജീവിതത്തിലും പ്രാവര്‍ത്തികമാക്കണം. 300 ഓളം ഇനത്തിലുള്ള ചിത്രശലഭങ്ങള്‍ ആന്‍ഡമാന്‍ ജയിലിന് സമീപത്തായുള്ളത്. പോര്‍ട്‌ബ്ലെയര്‍ സന്ദര്‍ശന വേളയില്‍ ഓര്‍ക്കിഡ് പാര്‍ക്കും വെങ്കയ്യ നായിഡു സന്ദര്ഡശിച്ചു.
അതേസമയം ഇലക്ടിക് വാഹനങ്ങളും മറ്റും ഉപയോഗിക്കുന്നത് ഐലന്‍ഡിനെ വായു മമലിനീകരണം ഇല്ലാതേയും വൃത്തിയായും സൂക്ഷിക്കാന്‍ സാധിക്കും. ഇതുകൂടാതെ ഒറ്റത്തവണ ഉപയോഗമുള്ള പ്ലാസ്റ്റിക് വസ്തുക്കള്‍ക്ക് ദ്വീപില്‍ നിരോധനം ഏര്‍പ്പെടുത്തിയിരിക്കുന്നതിനെ ഉപരാഷ്‌ട്രപതി പ്രശംസിക്കുകയും ചെയ്തു.
