കാസര്ഗോഡ് : പൗരത്വ ഭേദഗതി നിയമത്തില് സംസ്ഥാന നിയമസഭ പാസാക്കിയതില് മുഖ്യമന്ത്രി പിണറായി വിജയെന പരിഹസിച്ച് രാജ്മോഹന് ഉണ്ണിത്താന്. ലോക്സഭയും രാജ്യസഭയും പാസ്സാക്കിയ ബില്ലില് രാഷ്ട്രപതി ഒപ്പു വെക്കുന്നതോടെ അത് നിയമമായി. ഇതിനെതിരെ പ്രമേയം കൊണ്ടുവന്ന മുഖ്യമന്ത്രി പിണറായി വിജയന്റെ മുഖ്യമന്ത്രി കസേര തന്നെ വേണമെങ്കില് തെറിക്കാം. നിയമത്തിനെതിരെ പ്രമേയം പാസാക്കിയ സംസ്ഥാന സര്ക്കാരിനെ പിരിച്ചുവിടാന് കേന്ദ്രത്തിന് സാധിക്കും. ഇത്തരത്തില് മുഖ്യമന്ത്രിയെ തൊടാന് കേന്ദ്ര സര്ക്കാരിന് ധൈര്യമുണ്ടോയെന്നായിരുന്നു പരിഹാസം.
പൗരത്വ സംരക്ഷണ സംയുക്ത സമിതി കാഞ്ഞങ്ങാട് സംഘടിപ്പിച്ച റാലിയില് പങ്കെടുക്കവേയാണ് രാജ്മോഹന് ഉണ്ണിത്താന് ഇത്തരത്തില് പ്രസ്താവന നടത്തിയത്. ഇരുസഭകളും പാസാക്കി രാഷ്ട്രപതിയും ഒപ്പിട്ട് നിയമമായതിനെ എതിര്ത്ത് ആരെങ്കിലും പ്രമേയം പാസാക്കിയിട്ടുണ്ടോ. അത്തരത്തില് ചെയ്താല് ഭരണഘടനയുടെ 356ാം വകുപ്പ് ഉപയോഗിച്ച് സര്ക്കാരിനെ പിരിച്ചുവിടാന് കേന്ദ്ര സര്ക്കാരിന് സാധിക്കും. കേരള സര്ക്കാരിനെ ഇത്തരത്തില് തൊടാന് കേന്ദ്രസര്ക്കാരിന് സാധിക്കുമെങ്കില് ചെയ്യണം.
പൗരത്വ നിയമത്തിന് എതിരു നിന്ന ഏതെങ്കിലും നിയമസഭയെ തൊടാന് അമിത് ഷായ്ക്കും നരേന്ദ്രമോദിക്കും ധൈര്യമുണ്ടോയെന്നും ഉണ്ണിത്താന് കൂട്ടിച്ചേര്ത്തു. പൗരത്വ ഭേദഗതി നിയമത്തില് കേന്ദ്ര സര്ക്കാരിനെതിരെ മുഖ്യമന്ത്രിയും പ്രതിപക്ഷവും ഒരുമിച്ച് നിന്ന് പ്രവര്ത്തിക്കുമെന്നാണ് ആദ്യം പ്രസ്താവന നടത്തിയത്. എന്നാല് ഇടതുപക്ഷവുമായി യോജിച്ച് പ്രതിഷേധം നടത്തുന്നതില് നിന്നും ദിവസങ്ങള്ക്കുള്ളില് തന്നെ കോണ്ഗ്രസ് പിന്മാറുകയായിരുന്നു. അതിനു പിന്നാലെയാണ് കെപിസിസി വക്താവ് കൂടിയായ ഉണ്ണിത്താന് പ്രസ്താവന നടത്തിയിരിക്കുന്നത്.
