ന്യൂദല്ഹി: ഭീകരതക്കെതിരെ ഒത്തുതീര്പ്പിനോ വിലപേശലിനോ ഇന്ത്യയില്ലെന്ന് കേന്ദ്ര വിദേശകാര്യമന്ത്രി എസ്. ജയശങ്കര്. ഇന്ത്യയുടെ വിദേശകാര്യമന്ത്രി പെസഫിക് മേഖലയിലെ ലോക നേതാക്കളുടെ സമ്മേളനത്തിലാണ് അദ്ദേഹം ഈ കാര്യം വ്യക്തമാക്കിയത്.
വിനാശകരമായ ഒരു സ്വഭാവം ഇന്ത്യക്കില്ല, പക്ഷെ ഭീകരതക്കെതിരെ യാതൊരു ഒത്തുതീര്പ്പിനുമില്ല. പ്രശ്നങ്ങളിലിടപെടാതെ വിട്ടുനില്ക്കുന്ന പഴയ രാജ്യമല്ല തങ്ങളുടേതെന്നും ഇന്നത്തെ ഇന്ത്യ തീരുമാനങ്ങള് കൈക്കൊള്ളുന്നവരാണെന്നും ജയശങ്കര് പറഞ്ഞു.
ഇന്തോ-പെസഫിക് മേഖലയിലെ വിഷയങ്ങളില് ഇന്ത്യ മുന്കൈ എടുക്കണമെന്നാണ് എല്ലാ രാജ്യങ്ങളും ആവശ്യപ്പെടുന്നത്. എന്നാല് ഒരു കച്ചവടക്കാരന്റെ വിലപേശല് രീതി ഇന്ത്യക്കില്ല. ഇന്ത്യ സ്വന്തം നിലയില് കരുത്തരാണ് ലോകനന്മക്കായി സ്വയം പ്രതിജ്ഞാ ബദ്ധരുമാണ്. അയല്രാജ്യമായ ചൈനയുമായി ഇന്ത്യ എപ്പോഴും നിര്ണ്ണായകമായ ചര്ച്ചകളിലാണ്. അതിര്ത്തിയിലെ വിഷയങ്ങള് ഇരുരാജ്യങ്ങള്ക്കുമറിയാം. ഒരു സമതുലിതമായ അവസ്ഥയാണ് ആഗ്രഹിക്കുന്നത്, ജയശങ്കര് പറഞ്ഞു.
അമേരിക്ക ഇറാന് വിഷയത്തില് അവസാന ഫലം എപ്പോഴും ആ വിഷയത്തില് കളിക്കുന്നവര്ക്ക് തന്നെയായിരിക്കും. രണ്ടു രാജ്യങ്ങളും സ്വതന്ത്രരും അവരുടെ അഭിപ്രായം ഉള്ളവരുമാണ്. പന്ത് അവരുടെ കോര്ട്ടിലാണ്. ഏതായാലും ബന്ധം പരസ്പരം വഷളായിരിക്കുകയാണെന്നും ജയശങ്കര് വിലയിരുത്തി.
