ന്യൂദല്ഹി: സ്ത്രീകള്ക്ക് എതിരെയുള്ള കുറ്റകൃത്യങ്ങള് ഇല്ലാതാക്കാന് വധശിക്ഷ കൊണ്ട് സാധിക്കില്ലെന്ന് സിപിഐ നേതാവ് ആനി രാജ. നിര്ഭയ കേസിലെ പ്രതികള്ക്ക് മരണവാറണ്ട് പുറപ്പെടുവിച്ച ഉത്തരവിനോട് പ്രതികരിക്കുകയായിരുന്നു അവര്.
സ്ത്രീകള്ക്ക് എതിരെയുള്ള കുറ്റകൃത്യങ്ങള് ഇല്ലാതാക്കാന് വധശിക്ഷ കൊണ്ട് സാധിക്കില്ല എന്നതാണ് ഇതുവരെയുള്ള അനുഭവം. കുറ്റകൃത്യങ്ങള് തടയുന്ന നിയമസംവിധാനങ്ങള് സൃഷ്ടിക്കുകയും അതിനായി ബജറ്റില് തുക വകയിരുത്തുകയും ചെയ്താല് മാത്രമേ സ്ത്രീകള്ക്കെതിരെയുള്ള കുറ്റകൃത്യങ്ങള് ഇല്ലാതാക്കാന് പറ്റൂവെന്ന് ആനി രാജ പറഞ്ഞു. വധശിക്ഷ ഒരു പ്രതിരോധ മാര്ഗമല്ലെന്നും ആനി രാജ കൂട്ടിച്ചേര്ത്തു. നിര്ഭയ കേസില് കുറ്റക്കാരെന്നു കണ്ടെത്തിയവരുടെ വധ ശിക്ഷ നടപ്പാക്കുന്നതിന് കോടതി ഇന്നലെ മരണ വാറണ്ട് പുറപ്പെടുവിച്ചിരുന്നു. പ്രതികളായ അക്ഷയ് സിങ്, പവന് ഗുപ്ത, വിനയ് സിങ്, മുകേഷ് സിങ് എന്നിവരെയാണ് തൂക്കിലേറ്റുക. പട്യാല കോടതിയാണ് മരണ വാറണ്ട് പുറപ്പെടുവിച്ചത്. പ്രതികളുടെ വധശിക്ഷ ഈ മാസം 22 ന് നടപ്പാക്കും.
