കോഴിക്കോട്: പൗരത്വ നിയമ ഭേദഗതിക്ക് അനുകൂലമായി ബി.ജെ.പി നടത്തുന്ന ഗൃഹ സമ്പര്ക്കത്തില് പങ്കാളിയായതിന് നാസര് ഫൈസി കൂടത്തായിക്കെതിരെ സമസ്ത. ഗൃഹ സമ്പര്ക്കത്തിനിടെ ബിജെപി നേതാക്കളെ സ്വീകരിച്ചുവെന്നാണ് നാസര് ഫൈസിക്കെതിരെ ആരോപിച്ചിരിക്കുന്ന കുറ്റം. ഇത് സംഘടന വിരുദ്ധ പ്രവര്ത്തനമെന്നാണ് സമസ്തയുടെ ന്യായീകരണം. പൗരത്വ നിയമത്തെക്കുറിച്ചുള്ള പുകമറ മുസ്ലീം വിഭാഗങ്ങളില് സൃഷ്ടിക്കുന്നതിന്റെ ഭാഗമായാണ് ഈ നടപടിയെന്നും ആക്ഷേപം ഉയര്ന്നിട്ടുണ്ട്.
നാസര് ഫൈസിയെ സമസ്ത കേരളാ ജംഇയ്യത്തുല് ഉലമയുടെ പോഷക സംഘടനകളിലെ ഔദ്യോഗിക ഭാരവാഹിത്വങ്ങളില് നിന്നും സമസ്ത സസ്പെന്റ് ചെയ്തിട്ടുണ്ട്. നാസര് ഫൈസിക്കെതിരെ തീവ്രമുസ്ലീം സംഘടനകള് സൈബര് ആക്രമണം അഴിച്ചുവിട്ടതിനെ തുടര്ന്നാണ് സമസ്ത ഉടന് നടപടി സ്വീകരിച്ചത്. സംഘടന തീവ്രവാദ ശക്തികള്ക്കൊപ്പം തുള്ളുകയാണെന്ന ആക്ഷേപം സമസ്തയില് നിന്ന് തന്നെ ഉയര്ന്നിട്ടുണ്ട്.
