കൊച്ചി: പൗരത്വ നിയമ ഭേദഗതിയുടെ പേരില് തെറ്റിദ്ധാരണ പരത്താന് തെരുവില് റാലി നടത്തുകയും സമൂഹമാധ്യമങ്ങളിലൂടെ പ്രചാരണം നടത്തുകയും ചെയ്ത പൃഥിരാജ്,കമല്, പാര്വതി തുടങ്ങിയവരുടെ സാമൂഹിക പ്രതിബദ്ധത സഹപ്രവര്ത്തകരുടെ ആത്മാഭിമാനത്തിന്റെ കാര്യത്തില് കാണുന്നില്ലെന്ന് ബിജെപി സംസ്ഥാന ജനറല് സെക്രട്ടറി ശോഭാ സുരേന്ദ്രന്.
മലയാള സിനിമാ മേഖലയിലെ പ്രശ്നങ്ങളെക്കുറിച്ചു പഠിക്കാന് സര്ക്കാര് നിയോഗിച്ച ജസ്റ്റിസ് കെ. ഹേമ കമ്മീഷന് ഞെട്ടിക്കുന്ന കണ്ടെത്തലുകള് അടങ്ങുന്ന റിപ്പോര്ട്ട് മുഖ്യമന്ത്രിക്കു നല്കി ദിവസങ്ങളായിട്ടും സിനിമ മേഖലയില് നിന്ന് പ്രതികരണമുണ്ടാകാത്തത് ചൂണ്ടിക്കാട്ടിയാണ് ശോഭയുടെ വിമര്ശനം. ലൈംഗിക ചൂഷണം ഉള്പ്പെടെ അനുഭവിക്കേണ്ടി വരുന്നുവെന്ന് അഭിനേതാക്കളായ സ്ത്രീകള് മൊഴി നല്കിയെന്നാണ് കമ്മീഷന് റിപ്പോര്ട്ട്. ഇത്ര ഗുരുതരമായ വിഷയം മുന്നിലുണ്ടായിട്ടും അത് അവസാനിപ്പിക്കാനുള്ള നടപടികളെക്കുറിച്ച് സര്ക്കാരിനോടു ചോദിക്കാനോ സ്ത്രീകളുടെ മാനത്തിന് വില കല്പ്പിക്കാത്ത ‘കാസ്റ്റിങ് കൗച്ചു’ കാരെ ബഹിഷ്കരിക്കുമെന്ന് പ്രഖ്യാപിക്കാനോ ഇവരാരും തയാറായിട്ടില്ല. സാമൂഹ്യപ്രതിബദ്ധത ആത്മാര്ത്ഥമാണെങ്കില് ഇവര് ഈ നിശബ്ദത തുടരില്ല. പക്ഷേ, അവരാരും ഒരക്ഷരം പോലുംമിണ്ടിയിട്ടില്ല. സിനിമാ മേഖലയിലെ ചിലരുടെ ഇരട്ടത്താപ്പ് ഇതോടെ വ്യക്തമായെന്നും ശോഭാ സുരേന്ദ്രന്. കമ്മീഷന് റിപ്പോര്ട്ട് പുറത്തുവിടണമെന്നും അവര് ആവശ്യപ്പെട്ടു.
