തിരുവനന്തപുരം: രാഷ്ട്രപതി രാം നാഥ് കോവിന്ദ് ശബരിമല സന്ദര്ശിക്കുന്നതുമായി ബന്ധപ്പെട്ട് നാലുദിവസത്തിനുള്ളില് സുരക്ഷ ഒരുക്കാന് ബുദ്ധിമുട്ടാണെന്ന് പോലീസ്. സുരക്ഷാ ക്രമീകരണങ്ങള് വിലയിരുത്തി രാഷ്ട്രപതിഭവനെ കാര്യങ്ങള് അറിയിക്കുമെന്ന് മന്ത്രി കടകംപള്ളി സുരേന്ദ്രന് മാധ്യമങ്ങളോട് പറഞ്ഞു.
തിങ്കളാഴ്ച ശബരിമല സന്ദര്ശിക്കാന് രാഷ്ട്രപതിക്ക് കഴിയുമോയെന്ന് രാഷ്ട്രപതിഭവന് സര്ക്കാരിനോട് ചോദിച്ചിരുന്നു. എന്നാല് നാല് ദിവസം കൊണ്ട് രാഷ്ട്രപതിക്ക് സുരക്ഷ ഒരുക്കുന്നതിന് ബുദ്ധിമുട്ടുണ്ടെന്നാണ് കിട്ടുന്ന മറുപടി. തിരക്കുള്ള സമയമായതിനാല് ഭക്തരെ നിയന്ത്രിക്കുന്നതിന് പ്രായോഗിക പ്രശ്നങ്ങളുണ്ടെന്നും മറ്റുക്രമീകരണങ്ങള്ക്ക് സമയമില്ലെന്നും പോലീസ് പറഞ്ഞു. സുരക്ഷാക്രമീകരണങ്ങളില് രാഷ്ട്രപതി ഭവന് സംതൃപ്തിയുണ്ടെങ്കില് മാത്രമേ രാഷ്ട്രപതിയുടെ ശബരിമല സന്ദര്ശനത്തിന്റെ അന്തിമതീയതി പ്രഖ്യാപിക്കുകയുള്ളുവെന്നും കടകംപള്ളി സുരേന്ദ്രന് പറഞ്ഞു. ഹെലികോപ്റ്ററില് സന്നിധാനത്തെത്താനാണ് രാഷ്ട്രപതി ആലോചിക്കുന്നതെന്നാണ് രാഷ്ട്രപതിഭവന് അറിയിച്ചത്. പാണ്ടിത്താവളത്തിലെ കുടിവെള്ളടാങ്കിന് മുകളില് നിര്മ്മിച്ച ഹെലിപ്പാഡില് രാഷ്ട്രപതിയുടെ ഹെലികോപ്റ്റര് ഇറക്കാന് കഴിയുമോയെന്ന് പരിശോധിക്കുമെന്ന് ദേവസ്വം മന്ത്രി കടകംപള്ളി സുരേന്ദ്രന് പറഞ്ഞു.
